ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///ئافرەتێك هەبوو مەڕو ماڵاتی بەخێو دەكرد چوار دانە برای هەبوون. بەشەو دەچووە لای خوا پەرستێك (راهیب) لەلای دەمایەوە خوا پەرستەكە وای لێ هات شەیتان بەسەری زاڵ بوو.

زینای لەگەڵ ئەم ئافرەتە كرد. هەر چەند برایەكانی زۆر متمانەیان بەم خوا پەرستە دەكرد چونكە وەكو ئەمانەتێك لە لایان دانابوو بەڵكو خوای گەورە لە نەخۆشیەكەی شیفای بۆ دێنێ. بەڵام كارەكە گەیشتە ئەم ڕادەیە كە ئافرەتەكە سكی بوو لەم پیاوە. بیری لەم سكە كردەوە چۆن وونی بكات. كە ئافرەتەكە منداڵەكەی دانا شەیتان بەرەو پەرستگا كەوتە ڕێ پێی ووت: من ڕێگایەكم هەیە بۆت  ئەم منداڵە بكوژە لە تەنیشت پەرستگاش بینێژە. چونكە تۆ پیاوێكی ڕاست گۆی خەڵك گوێ لە قسەت دەگرن منداڵكەی كوشت‌و بە خاكی سپارد. شەیتان چووە خەونی چوار برایەكە. هەواڵەكەی پێ ڕاگەیاندن‌و شوێنەكەی بۆ دەست نیشان كردن كە لە كوێ منداڵەكەی بەخاك سپاردوە. بەیانی هەموویا ووتیان خەونێكی ئەوهامان بینی یە بۆی دەرچوون بینیان لە پەرستگایەكە هێنایانە دەرەوە بردیان بۆ لای پادشا. شەیتان لە ڕێگادا بە خوا پەرستەكەی ووت: من تۆم خستە ناو ئەم تاوانە. ڕزگارت دەكەم ئەگەر سوجدەیەكم بۆ بەریت. خوا پەرست سوجدەیەكی بۆ برد بوو بە كافر... لەگەڵی چوو بۆ لای پادشا بۆ ئەوەی ڕزگاری بكات بەرگری لە تاوانەكەی بكات. كە گەیشتنە لای پادشا یەكسەر خۆی بە دوور گرت ووتی: من ئاگام لە هیچ نی یە من دوورم لە كاری ئەم پیاوە ئینجا گرتیان‌و كوشتیان.خوای گەورە ئەم ئایەتەی بۆ پێغەمبەرمان (درودی خوای لەسەر بێت) نارد كە دەفەرموێ [كَمَثلِ الشَّیْطانِ إِذقَاڵ لِلْإِنسَانِ اكْفُرْ فَڵمَّا كَفَرَ قَاڵ إِنِّی بَرىء مِّنكَ إِنِّی أَخَافُ اللَّهَ رَبَّ الْعَاڵمِینَ] سوڕەتی الحشر (16).