ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و سه‌رپێچیانه‌ى تایبه‌تن به شوێنى نوێژکردنه‌وه .. (٧) نوێژکردن له گۆڕستان و گه‌رماودا:
وه‌رگێڕانى : ناصح ئیبراهیم سازانى / پێغه‌مبه‌رى خوا صلى الله علیه وسلم ده‌فه‌رموێت: (الْأَرْضُ كُلُّهَا مَسْجِدٌ إِلَّا الْمَقْبَرَةَ وَالْحَمَّامَ) . واته: زه‌وى هه‌مووى مزگه‌وته‌و نوێژى تێدا ده‌کرێت جگه له گۆڕستان و گه‌رماو. ئیبن حه‌زم ده‌ڵێ: ئه‌و فه‌رمودانه‌ى قه‌ده‌غه‌ی نوێژ ده‌که‌ن له گۆڕستان و گه‌رماودا فه‌رموده‌ى موته‌واتیرن بۆ که‌س نیه ته‌رکیان بکات. پێشه‌وا شه‌وکانى ده‌ڵێ: ئه‌م فه‌رموده به‌ڵگه‌یه له‌سه‌ر ئه‌وه‌ى نوێژکردن له گۆڕستان و گه‌رماودا قه‌ده‌غه‌یه, به‌لآم خه‌ڵک له‌مه‌دا رایان جیاوازه, ئیمام ئه‌حمه‌د رای وایه نوێژکردن له گۆڕستاندا حه‌رامه, جا ئیتر جیاوازى دانه‌ناوه له‌نێوان ئه‌و گۆڕانه‌دا که هه‌ڵدرابنه‌وه یان هه‌ڵنه‌درابنه‌وه, یا شتێکى له‌سه‌ر راخرابێت یان نا, وه هه‌روه‌ها نوێژه‌که له‌سه‌ر گۆڕه‌که بێت یان له‌ژوورێکى جیاواز له‌ناو گۆڕه‌کاندا ئه‌مه راى زاهیریه‌کانیشه, جیاوازیش ناکه‌ن له‌نێوان گۆڕستانى موسڵمانان و کافراندا . ئیمام شافیعى ده‌ڵێ: جیاوازى هه‌یه له‌نێوان ئه‌و گۆڕانه‌ى که هه‌ڵدرابنه‌وه یان هه‌ڵنه‌درابنه‌وه, ده‌ڵێ: ئه‌گه‌ر ئێسک و خوێن و کێم و جه‌راعه‌تى مردووه‌کانى تێکه‌لآو بوو ئه‌وا دروست نیه نوێژى تێدا بکرێت له‌به‌ر پیسیه‌که‌ى, به‌لآم ئه‌گه‌ر شوێنه‌که پاک بوو که‌سێک نوێژى تێدا کرد ئه‌وه نوێژه‌که‌ى دروسته.