ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بۆئه‌وه‌ى شایانى هیدایه‌ت بین
عوسمان رشید
خواى په‌روه‌ردگار هه‌مووخه‌ڵکى بانگکردووه بۆسه‌ر هه‌ق وڕاستى و زیاتر له‌سه‌دو بیست وچوار هه‌زار پێغه‌مبه‌رى بۆناردوون (سةلامى خوايان لىَبىَ ), ئه‌مه بانگه‌وازى گشتىیه , له‌گه‌ڵ ئه‌و بانگه‌وازه گشتىیه‌دا ، هه‌رچى نیه‌تى گۆڕان بێنێ و هه‌نگاوبنێ خواى گه‌وره به‌فه‌زڵى خۆى هیدایه‌تى تایبه‌تى ده‌دات (والله يدعُوا الى دارالسلام ويهدي من يشاء إلى صراط مستتقيم) یونس /٢٥واته:
خواى گه‌وره بانگ ده‌کات بۆبه‌هه‌شتى پڕخێروخۆشى که هه‌مووى ئاشتى و ئاسایشه‌و، هیدایه‌تى ئه‌وانه‌ش ده‌دات به‌فه‌زڵى خۆى که ده‌یانه‌وێت و شایسته‌ن بۆ ڕێگاى ڕاست ..
ئه‌و هیدایه‌ته زۆر گرنگه بۆیه ڕۆژى به‌لاى که‌مه‌وه حه‌ڤده جار داواى هیدایه‌ت ده‌که‌ین له نوێژه فه‌رزه‌کانماندا وده‌ڵێین : (إهدنا الصراط المستقيم)..
به‌ڵێ وه‌ک له‌پێشتردا وتمان ئه‌وانه‌ى که تێده‌کوَشن و ، نیه‌تیان گه‌یشتنه به‌هه‌ق و ڕاستى وهه‌وڵ ده‌ده‌ن بوَ ڕێنمایی خه‌ڵکى ،خواى گه‌وره هیدایه‌تیان ده‌دات و ده‌رگایان لێده‌کاته‌وه ( والذين جاهدوا فينا لنهدينهم سُبلنا ) ..
بۆئه‌وه‌ى به‌ته‌واوى هیدایه‌ت بدرێین , باهه‌میشه له‌خوا بپاڕێینه‌وه‌و ئه‌و ڕێگایانه بگرینه‌به‌ر که ده‌بنه مایه‌ى دڵنیایی و هیدایه‌تى زیاترو , ئه‌گه‌ر هیدایه‌تیش دراین بامنه‌ت به‌سه‌ر که‌سدا نه‌که‌ین ،چونکه خوا به فه‌زڵى خۆى هیدایه‌تى داوین , ئه‌گینا ئێمه‌یه‌کى داماو چین له‌م دنیا جه‌نجاڵه‌دا , (ومن لم يجعلِ الله له نوراً فما له من نور)که‌سێ خوا نوورى نه‌داتێ نوورى له‌کوێ بوو؟؟.. جابۆئه‌وه‌ى زیاتر دڵنیا بین و یه‌قینمان هه‌بێ و باشتر بانگه‌واز بکه‌ین باسى چه‌ند لایه‌نێکى ئیعجازى قورئان و سوننه‌ت و هه‌وڵى نه‌بڕاوه‌ى ئه‌و بانگخوازانه ده‌که‌ین که خوا کردوونى به سه‌رمه‌شق و پێشه‌وا (وجعلنا منهم أئمة يهدون بأمرنا لَما صَبَروا وكانوا بآياتنا يوقنون ) السجده / ٢٤ ..