ماڵپەری قورئانی پیرۆز

نووسينى /هارون نوح طه‌ /كتێبخانه‌ى محوى///ئیمامی عمر ئەسپێكی لە كابرایەك كڕی لەوكاتەی كە خەلیفەی موسلمانان بووە. ئیمامی عمریش كەمێ لە فرۆشیارەكە بە دووركەوتەوە سواری ئەسپەكە بوو بۆ ئەوەی تاقی بكاتەوە

بینی ئەسپەكە كەوتە خوارێ‌و عەیبێكی لێ پەیدابوو. لە دڵی خۆی ووت ئەم پیاوە فێڵێكی لەم ئەسپە كردووە بۆیە دەبێ بۆی ڕەت بكەمەوە، كە بۆی بردەوە كابرای فرۆشیار بە خەلیفەی ووت: وەری ناگرمەوە لەبەر ئەوەی كە بردت هیچ عەیبێكی نەبوو. بەڵام دەبێ خەلیفە چی لێ بكات لەم پیاوە خۆ دەسەڵاتی هەموو شتێكی هەیە ئایا دەستگیری دەكات؟ یان گومانی تاوانێكی لێ دەكات. نەخێر. هەرگیز.... كابرا سكاڵای خۆی نووسی لەسەر خەلیفە. بردی بۆ لای داد پرس كە (شرەیح) بوو كە بە داد پەروەری ناسراو بوو. خەلیفە هاتە بەردەم داد پرس لە ناو بازنەی تۆمەتباران دانیشت. داد پرس بڕیاری لە دژی خەلیفەی ئیمانداران دا ووتی: پیاوی فرۆشیار لەسەر حەقە. بۆیە ڕوی كردە ئیمامی عمر پێی ووت: ئەی أمیری ئیمانداران ئەوەی كڕیوتە هەڵیگرەوە یان چۆن وەرتگرتوە ئەها بەبێ عەیب ڕەتی كەوە بۆ كابرا. پاشان ئیمامی عمر كە ئەمەی لە قازی (داد پرس) بینی كە بەم شێوە ڕەفتاری لەگەڵ دەكات ئایا داد پرس دەبێ بەند بكرێت لە جیاتی ئەوە. نەخێر... بەلكو بە دڵێكی پڕ لە خۆشیەوە ڕووی تێ دەكات‌و پێی دەڵێ ئایا داد پرسی‌و قەزاوەت ئەوها نی یە وەكو تۆ دەیكەیت، داد پەروەری ڕاستەقینە ئەوەیە كە تۆ دەیكەیت. لە پاداشتی ئەم داد پەروەری یە ئیمامی عمر (شریح)ی كرد بە والی كوفە، واتە پلەی زیاتر  بەرز كرد، چونكە  بۆ ئەم  كارە شیاوو بوو.