ماڵپەری قورئانی پیرۆز

 نووسينى/ د.صلاح عبدالفتاح الخالدى//وه‌رگێر/كاوه‌ هوراز///فیرعەون دەسەڵاتدارێكی خۆ بەزل زان‌و ستەمكار‌و تێكدەر بوو‌و، هەمیشە توندترین‌و ناخۆشترین سزای بە گەلی (بنوئیسرائیل) دەگەیاند،

كوڕەكانیانی بە منداڵی سەردەبڕی‌و كچەكانیشیانی بە زەلیلی‌و سەرشۆڕی دەهێشتەوە.. بەردەوام چاودێریی منداڵبوونی ژنەكانیانی دەكرد، ئەگەر ژنێك كوڕی ببوایە خێرا دەستەو تاقمەكەی فیرعەون لێیان دەسەند‌و سەریان دەبڕی، ئەگەر كچیشی ببوایە بە زیندوویی دەیانهێشتەوە،

 .. جا وەك ئەم ئایەتەش بڕیاری لەسەرداوە فیرعەون لە یاخی‌و بەدكاران بووەو هەموو رەفتار‌و هەڵس‌و كەوتێكی هەر بەدكاری‌و شێواندن بووە.. هەروەها فیرعەون نموونەی حاكمێكی زاڵم‌و لە ستەمدا رۆچوو (طاغی)یە.. ئەو لەجیاتی ئەوەی رۆح‌و خوێنی گەلی ژێردەسەڵاتی خۆی بپارێزێت، ئەگەرچی لە هەرتیرە‌و هۆز‌و ئاینێكیش بن‌و بیـروڕاو قەناعەتیشیان هـەرچۆنێـك‌و هەرچییەكـیش بێت، كـەچی ببوویە دەستدرێژكارێك بۆ سەر ماڵا‌و ســامانیان‌و، بەخوێن ڕێژێك بۆ ڕشتنی خوێنیان بەناهەق‌و، بە روح لەناوبەرێك كە هەر بە زوویی‌و لە منداڵییەوە لەناوی دەبردن.

جا كاتێك حاكمی وڵاتێك، كە دەسەڵات‌و یاسای لەژێر دەستدایە‌و بەو شێوازە دژی گەلی ژێردەسەڵاتی خۆی دەجووڵێتەوە، ئیدی ئەرك‌و بەرپرسیارێتییەكانیشی پشتگوێ‌ دەخات‌و تەنانەت سیمای مرۆڤایەتیی خۆیشی پشتگوێ‌ دەخات.