ماڵپەری قورئانی پیرۆز

 موسوڵمانان داوای یارمه‌تیان کرد له‌خوا،خوای گه‌وره‌ش مه‌لائیکه‌تی بۆ ناردن که‌ به‌فیعلی له‌ جه‌نگه‌که‌دا به‌شداریان کرد و چه‌نده‌ها کافریان کوشت،ته‌نانه‌ت ئه‌سه‌ری کوشتنی مه‌لائیکه‌ته‌کان دیار بوو به‌ کافره‌کانه‌وه‌ که‌ جیاواز بوو له‌ کوشتنی موسوڵمانان {إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلآئِكَةِ مُرْدِفِينَ}٩.

    هه‌روه‌ها {إِذْ يُوحِي رَبُّكَ إِلَى الْمَلآئِكَةِ أَنِّي مَعَكُمْ فَثَبِّتُواْ الَّذِينَ آمَنُواْ سَأُلْقِي فِي قُلُوبِ الَّذِينَ كَفَرُواْ الرَّعْبَ فَاضْڕبُواْ فَوْقَ الأَعْنَاقِ وَاضْڕبُواْ مِنْهُمْ كُلَّ بَنَانٍ}١٢ .

 که‌واته‌ کێ جه‌نگه‌که‌ی ڕێکخست به‌ حیکمه‌تی خۆی؟!

کێ خاوه‌نی زه‌وی یه‌ و چی بوێت ده‌یکات؟

 ئیتر چۆن مرۆڤ دڵنیا نه‌بێت له‌وه‌ی که‌سه‌رکه‌وتن له‌ خواوه‌یه‌؟

 ئیتر چۆن بڕوادار ته‌نیا پشت به‌ خوا نه‌به‌ستێ؟!

        ٥-کات و شوێنی جه‌نگه‌:

        ته‌نانه‌ت کات و شوێنی جه‌نگه‌که‌ش به‌ ئیراده‌ی خوا بوو،که‌ ئاوا له‌و شوێنه‌دا له‌ کاتێکی دیاری کراودا به‌یه‌کی گه‌یاندن،ته‌نانه‌ت ئه‌گه‌ر وه‌عدیان به‌یه‌ک بدایه‌ و مه‌وعیدیان دابنایه‌ ئاوه‌ها به‌یه‌ک نه‌ده‌گه‌یشتن:                 

  {إِذْ أَنتُم بِالْعُدْوَةِ الدُّنْيَا وَهُم بِالْعُدْوَةِ الْقُصْوَى وَالرَّكْبُ أَسْفَلَ مِنكُمْ وَلَوْ تَوَاعَدتَّمْ لاَخْتَلَفْتُمْ فِي الْمِيعَادِ وَلَـكِن لِّيَقْضِيَ اللّهُ أَمْراً كَانَ مَفْعُولاً لِّيَهْلِكَ مَنْ هَلَكَ عَن بَيِّنَةٍ وَيَحْيَى مَنْ حَيَّ عَن بَيِّنَةٍ وَإِنَّ اللّهَ لَسَمِيعٌ عَلِيمٌ}٤٢.مسوڵمانان له‌(ْعُدْوَةِ الدُّنْيَا) دۆڵێکى نزیک مه‌دینه‌ بوون،که‌ لمی زه‌ویه‌که‌ی به‌ بارانه‌که‌ زیاتر یه‌کی گرت وجێ پێ ی موسوڵمان زیاتر چه‌سپاو خۆش بوو،به‌ڵام کافره‌کان له‌ دۆڵێکى دوور له‌مه‌دینه‌ بوون(عدوة القصوى)شوێنه‌که‌ی به‌باران ناڕه‌حه‌تی بۆ کافران دروستکرد و هات و چۆیانی ناخۆش کرد،دیاره‌ ئه‌مه‌ش  به‌حیکمه‌تی خوا بوو.کاروانه‌که‌ى ئه‌بوسوفیانیش له‌لایه‌کى تره‌وه‌ بۆى ده‌رچوو ، ته‌نها ویست و ئیراده‌ى خوا بوو موسڵمانان و کافرانى به‌یه‌ک گه‌یاند تا ئه‌و جه‌نگه‌ رووبدات ...

کتێبى : دیمه‌نه‌کانى قورئان / ئه‌ندازیار عوسمان.