ماڵپەری قورئانی پیرۆز

نوسينى / هارون نوح طه‌/كتێبخانه‌ى محوى///كاتێ هەندێ قوماش هات لە یەمەن بە داد پەروەری دابەش كرا لە سەر موسلمانان. ئیمامی عمریش پارچەیەكی گەورەتری لەبەر كرد كە زیاتر بوو

لە حەقی خۆی چونكە لاشەو باڵای درێژو گەورەتر بوو. موسلمانەكانیش هەستیان بەم شتە كرد چونكە بە ئاشكرایی دابەش كرابوو. ڕۆژێك ئیمامی عمر بەسەر مینبەر كەوت فەرموی گوێبگرن‌و گوێ ڕایەڵ بن. باسی جیهادی دەكردو پارچە قوماشەكەشی كردبوو بە عەبایەك لەبەری كردبوو. لەم لاوە دەنگێكی بەرز هات لە نێو ووتارەكەی ووتی: نەگوێ دەگرین نەبە قسەشت دەكەین. عمر دەیتوانی بەیەك چاو سووركردنەوە كابرا فڕێ بداتە دەرێ بە پۆلیسەكانی بەڵام زۆر زۆر بە هێمنی‌و لەسەر خۆیی بۆچی گوێ ناگری‌و بە قسەمان ناكەیت هەی ڕەحمەتت لێ بێ؟ بزانە ڕەحمەتیشی بۆ دەنێرێ كابرا هەستا سەر پێیان بە دلێری بێ ئەوەی لە كەس بترسێ ووتی: لەگەڵ ئێمەت قوماش وەرگرت ئێستا بۆچی هی تۆ زیاترە لە هی ئێمە دیارە لە بیت المال كارێكت لەگەڵ كردووە ئیمامی عمر بەرگری لەخۆی دەكات. لەم كات‌و ساتە فەرموی: هەڵسە عبدالله (عبداللەی كوڕی) وەكو شاهیدێك ئەم شتە باس دەكات. كە هەستا ووتی من لە بەشەكەی خۆم خۆش بووم بەخشیم بە باوكم بۆ ئەوەی ببێ بە عەبایەكی تەواو چونكە بەس بە هی خۆی تەواو نەدەبوو. دەمویست چاك خۆی پێ داپۆشێ لە ناو خەڵك ڕێك‌و پێك بێ. كابرا زۆر خەجالەت بوو بە لەسەر خۆیی دانیشت ووتی: ئێستا گوێ دەگرین‌و بە قسەت دەكەین.