ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
له پێناو په‌روه‌رده‌یه‌کی دروستی نه‌وه‌کانمان (2) ڕێگری کردن له چوونه ده‌ره‌وه‌ی منداڵ:
زۆرێک له دایکان و باوکان رێگری ده‌که‌ن له چوونه ده‌ره‌وه‌ی منداڵه‌کانیان، ئه‌وه‌ش له دیدی دایکان و باوکانه‌وه بۆ به‌رژه‌وه‌ندی منداڵه‌کانه، به‌ڵام ئه‌وه پێچه‌وانه‌ی په‌روه‌رده‌ی دروستی منداڵه‌کانمانه، چونکه رێگه نه‌دان به چونه ده‌ره‌وه‌ی منداڵ ده‌بێته هۆکاری دروست بوونی (شه‌رمنی- دروست نه‌بوونی متمانه به خود- ئینعیزال- بیر ته‌سكی....هتد)، پێچه‌وانه‌که‌شی راسته، بۆیه پێویستمان به به‌رنامه‌یه‌کی هۆشیاری و گه‌شه‌پێدانه بۆ نه‌وه‌کانمان و دروست کردنی که‌سایه‌تی بۆیان، زۆرجار له ئه‌نجامی نه‌بوونی ئه‌و به‌رنامه له ژیانماندا هه‌ڵده‌ستین به کڕین و دابین کردنی هه‌ندێک له ئامێره ئه‌لیکترۆنیه‌کان ئه‌وه‌ش ته‌نها بۆ له خۆ دوورخستنه‌وه‌و مه‌شغول کردنیان بێ ئه‌وه‌ی بزانی چۆنی به‌کار ده‌هێنێ و چه‌ند کاتی رۆژانه‌ی بۆ ته‌رخان ده‌کات، تو وه‌ک دایک وه‌کوو باوک بڕۆ له دیاری بوه‌سته بزانه چۆن یاری ده‌کاو وه له‌گه‌ڵ کێ؟ نه‌ک رێگرتنی له‌وه‌ی که بچێته ده‌ره‌وه ئه‌وه بزانه که کۆمه‌ڵێک یاری هه‌ن که ناتوانرێ له ماڵه‌وه ئه‌نجام بدرێت وه زۆر جار چونه ده‌ری منداڵ و تێکه‌ڵ بوون له‌گه‌ڵ هاوڕێکانی وا ده‌کات که کاری گروپ ئه‌نجام بده‌ن ئه‌وه‌ش گرنگه بۆ ئه‌وه‌ی منداڵه‌کانمان له سه‌ر ئه‌وه رابهێنین چونکه ئه‌وه واده‌کات که جیاوازی چینایه‌تی نه‌مێنێ و به‌رامبه‌ر قبوڵ بکات، به مانایه‌کی تر واتا راهێنانی نه‌وه‌کانمان له‌سه‌ر کاری هه‌ره‌وه‌زی و به‌یه‌که‌وه‌ژیان و یه‌کتر خوێندنه‌وه‌و متمانه به خۆ بوون و فراوان بوونی ئاسۆی بیرکردنه‌وه‌و شیکردنه‌وه‌ی رووداوه‌کان، ئێمه ده‌بێ خۆمان و ئاره‌زوه‌کانمان بدۆزینه‌وه یه‌که‌مجار ئینجا دواجار منداڵه‌کانمان و ئاره‌زوو و تواناکانیان بدۆزینه‌وه.