ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
چۆن مێرده‌که‌ت به‌خته‌وه‌ر ده‌که‌یت......خێزان
ئافره‌ت ده‌توانیت ماڵه‌که‌ی بکات به به‌هه‌شتێک که به‌رده‌وام مێرده‌که‌ی حه‌زبکات بگه‌رێته‌وه بو ناوى و له‌په‌نایدا ئارامى ده‌ست بکه‌وێت و خه‌م و خه‌فه‌ته‌کانى تێیدا بڕه‌وێنێته‌وه و هیلاکى و ئازاره‌کانى بسڕێته‌وه و توانا ده‌رونیه‌کانى به‌رزبکاته‌وه بۆ ئه‌وه‌ى په‌یامه‌که‌ى به‌رامبه‌ر به خودا و کۆمه‌ڵگاکه‌ى به باشترین شێوه بگه‌یه‌نێت, به‌ڵام ئه‌مه‌چۆن ده‌کرێت؟
ئه‌م پرسیاره, کتێبى (چۆن مێرده‌که‌ت به‌خته‌وه‌ر ده‌که‌یت)ى نووسه‌ر (محمد عبد الحليم حامد) وه‌ڵامى ده‌داته‌وه، که‌تییدا چه‌ند ڕێساو ڕێنمووییه‌ک پێشکه‌ش به ئافره‌تى موسڵمان ده‌کات، بۆ ئه‌وه‌ى پاڵپشتى بێت له به‌خته‌وه‌رکردنى مێرده‌که‌یدا، که ئه‌مانه‌ن:-
ئارامگرتن و دڵدانه‌وه:- ئه‌وه‌ى که به‌شدار ده‌بێت له زیادکردنى به‌خته‌وه‌رى ژیانى ژن ومێردایه‌تى و ده‌یپارێزێت, ئه‌وه‌یه که ئافره‌ت ئارامبگرێت له‌وه‌ی تووشى خۆی یان مێرده‌که‌ى ده‌بێت له به‌ڵاى نه‌فس و ماڵ، کاربکات بۆ دڵدانه‌وه‌ى مێرده‌که‌ى له سه‌ر ئه‌و به‌ڵایه‌ى که تووشى بووه.
به چاکى به‌ڕێوه‌بردنى ماڵ:- له ئه‌رکه‌کانى ئافره‌ت چاک به‌ڕێوه‌بردنى ماڵه به‌وه‌ى که پاکى بکاته‌وه و کار بکات بۆ لابردنى هه‌موو شتێکى ناپه‌سه‌ندو بۆنی ناخۆش له ماڵه‌که‌دا.
هاوکاریکردنى یه‌کترى له‌سه‌ر خوا په‌رستى وتاعه‌ت:- ئه‌وه‌ى کێ مێرد به‌خته‌وه‌ر ده‌کات ئه‌وه‌یه که ببینێت خێزانه‌که‌ى ئه‌رکه‌کانى به‌رامبه‌ر به خوا به‌جێ دێنێت، وه هاریکارى مێرده‌که‌شى ده‌کات له‌سه‌ر به جێ هێنانى فه‌رمانه‌کانى خواو پێغه‌مبه‌ره‌که‌ى (د.خ).
ئافره‌ت پارێزه‌ره:- پێغه‌مبه‌ر (د.خ) ده‌فه‌رمووێت (ئافره‌ت پارێزه‌ره له‌ماڵى مێرده‌که‌ى و به‌ر پرسه له‌وه‌ى که پێى سپێردراوه). به ڕاستى ئیسلام به‌ڕێوه‌بردنى ماڵ و پاراستنى سپاردووه به ئافره‌ت.