ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خـودا چ سـرووشـێكی بۆ دایكی موسـا نارد؟!...چيرۆكه قورئانيه‌كان
نووسينى /د.صلاح عبدالفتاح الخالدى//وه‌رگير/خودای گەورە فەرموویە: (ئێمە سروش‌و نیگامان بۆ دایكی موسا نارد كە تێر شیری بكات‌و پێمان راگەیاند ئەگەر ترسایت لەوەی پێ‌ی بزانرێت، ئەوا فڕێ‌ی بدەرە نێو رووبارەكەوەو
مەترسە لەوەی تووشی كارەسات ببێت‌و بۆی خەمگین مەبە، چونكە ئێمە بۆ لای تۆی دەگێڕینەوەو، لە ئایندەشدا دەیكەین بە یەكێك لە پێغەمبەران).
ئەم ئایەتە لەیەك كاتدا (دوو هەواڵا)و (فەرمان بە دووكردار)و (قەدەغەكردنی دوو رەفتار)و (دوو مژدە)ی بەشێوە رێكخستنێكی جوان‌و دانسقە‌و ڕەوانبێژی‌و ئیعجازەوە پێكەوە كۆكردوونەوە.. ئەویش بەم جۆرە:
- ئەو دوو هەواڵە لە ئایەتەكەدا: [ۆأَوْحَیْنَا]و [إِذا خِفْتِ عَڵیْهِ] كە لە یەكەمیاندا هەواڵی (موسا)و لە دووەمیاندا هەواڵی لەسەر نیگەران بوونیەتی.
- ئەو دوو كردارەش كە فەرمانی ئەنجام دانیانی پێ‌كردووە [أَرْضعِیهِ]و [أَلْقِیهِ فِی الْێمِّ] كە لە یەكەمیاندا داوای شیرپێدانییەتی‌و لە دووەمیشیاندا خستنە نێو رووبارەكەیە.
- ئەو دوو رەفتارەش، كە ئەنجامدانیانی لێقەدەغەكردوە [ڵا تَخَافِی]و [ڵا تَحْزَنِی] كە لە یەكەمیاندا ناهێڵێت لە بەڵا‌و كارەسات بترسێت‌و لە دووەمیشیاندا ناهێڵێت خەمبار بێت‌و خەفەتی پێ بخوات.
- ئەو دوو مژدەیەش، كە لە ئایەتەكەدا هاتوون [رَادُّوهُ إِڵیْكِ]و [ۆجَاعِلُوهُ مِنَ الْمُرْسَلِینَ]، كە لە یەكەمیاندا مزگێنی بە گێڕاندنەوەی پێ‌دەدات‌و، لە دووەمیشیاندا مژدەی بوون بە پێغەمبەری پێ دەگەیەنێت.
بێگومان خودا لەم بەهاناوە هاتنەی دایكی موسادا، تەنها ژیانی كوڕەكەی بۆ مسۆگەر نەكردووە، بەڵكو ئەوەشی بۆ مسۆگەر كردووە، كە دەگەڕێتەوە بۆ لای‌و، دەژی تاكو گەورە دەبێت‌و، تا دەشبێت بە پێغەمبەر.