ماڵپەری قورئانی پیرۆز

ڕێگای سەركەوتوو و زیاتر بەكارهاتوو لەلایەن چارەسەركار و وانەبێژانەوە ئەوەیە كە ئەو كەسەی گرفتاری هەستە سەلبیەكانە دابنیشێت و كاغەز و قەڵەم بەدەستەوە بگرێت و بیر لە ژمارەیەك لە هەستە سەلبیەكانی خۆی بكاتەوە، یان ئەوەی هەستی پێدەكات، پاشان ژمارەیەك هەستی ئیجابی دەنوسێت كە خواستی دەستەبەركردنیانی هەیە و گومان دەكات سەركەوتنی بۆ بەدیدێنن.

هەنووكە بیر لەو هەستە سەلبیانەی دەكاتەوە كە نووسیونی لەگەڵ ئەو شتانەی بۆی پێشدێنن ئەگەر بیركردنەوەی لەسەر ئەم حاڵەتە بەردەوام بوو، ئەو هەڵوێستە گران و ناڕەحەتانە دێنێتە پێشچاو كە پیایاندا تێپەڕدەبێت ئەگەر هاتوو لەسەر ئەم حاڵەتی هەڵچوون و هەڵوێستە سەلبیانە بەردەوام بوو. تێڕوانینی كۆمەڵگا بۆی وێنا دەكات لەكاتێكدا ئەم بیروبڕوا و هەستە سەلبیانەی هەڵگرتووە، هەوڵدەدات پەرچەكرداری كۆمەڵگا بۆی وێنا بكات لەكاتێكدا ئەم بیروبڕوا و هەستە سەلبیانەی هەڵگرتووە، هەوڵدەدات پەرچەكرداری كۆمەڵگای دەوروبەری بێنێتە خەیاڵ بەرامبەر بەم هزرە سەلبیە نەخواستراوانەی هەیەتی.

لەدوای ئەمە دەچێتە سەر هەستگەلی ئیجابی و ئەو هزرانەی خەونیان پێوە دەبینێت لەگەڵ ئەو سیفەتانەی خوازیارە بەشێك بن لە كەسایەتیی، بیر لە ئاكامە ئیجابیەكانیان دەكاتەوە، بیر لەو سەقامگیرییە دەروونی و جەستەییە دەكاتەوە كە بەهۆیانەوە چنگی دەكەوێت، ئەو حاڵەتە وێنا دەكات كە تێیدا دەبێت ئەگەر هاتوو ئەم سیفەتە ئیجابیانەی لە كەسێتییدا چەسپاند...

هەوڵدەدات قەبارەی ئەو سوودانە خەیاڵ بكات كە لە هەستە ئیجابیەكانەوە دەیانچنێتەوە، چۆن تێڕوانینی دەوروبەر بەرامبەری دەگۆڕێت، مەودای خۆشەویستی ئەوانی تر بۆی دێنێتە پێشچاو لەگەڵ ئەوە كە چۆن ڕێز و پێزانین و متمانەیان بەدەستدێنێت.

لەم بارەدا هزرەكان كارلێك دەكەن و دەچنە نێو ئەقڵی پەنهان و گۆڕان بە ئاڕاستەی باشتربوون دەستپێدەكات، دەروونی مرۆیی بە سروشتی خۆی ئارەزووی خۆشەویستی سەركەوتن و سەقامگیری و ئومێد دەكات.