ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///عمری كوڕی خطاب لەسەردەمی خەلافەتی خۆی شەوێك دەردەچێ بۆ دەرەوی شار هەواڵی خەڵك وەردەگرێ. دەبینی ڕەشماڵیك لە دووری سێ میل ئاگریان داگیرساندووە.

لێی نزیك دەكەوێتەوە دەبینی ئافرەتێكە هەندێك منداڵی لە دەوری خۆی كۆكردونەتەوەو دەگریێن. ئیمامی عمر پرسیاریان لێ دەكات حاڵتان چۆنە؟ ئافرەتەكە دەڵێ: ناخۆشی شەوو سەرما لێی داوین. ووتی: منداڵەكان بۆچی دەگرین؟ ئافرەتەكە ووتی: لە برسان. ووتی: ئەمە چی یە لە نێو ئەم مەجەڵە؟ ووتی ئاوە منداڵەكان پێ بێ دەنگ دەكەم تاكو خەویان لێ بكەوێت. پاشان ئافرەتەكە دەستی كرد بە قسەو لۆمەی ئیمامی عمری دەكرد ووتی: من‌و عمر لەبەرامبەر خوا. نەیدەزانی ئیمامی عمرە. پاشان ئیمامی عمر ووتی: ئافرەت ڕەحمەتت لێ بێ جا عمر چوزانی تۆ حاڵت ئەوهایە. ووتی: سبحان الله بووە بە گەورەمان لێمان بێ ئاگایە چۆن دەبێ؟ ئیمامی عمر بە ڕاكردن چووە ماڵێ لە بیت المال خواردن‌و پێداویستی تەواوی بۆ هێنان. بە دەستی خۆی خواردن‌و چێشتی دروست كرد بۆ منداڵەكان. هەندێ ئاردو زەیتیشی دا بە ژنەكەبە پشتی خۆی بۆی هێنا بوون. لە ڕێگادا ووتیان ئەی أمیر المۆمنین چۆن دەبێ تۆ ئەم شتە هەڵگری؟! پێی ووتن: ئایا لە قیامەت گوناهم هەڵدەگرن. كاتێ ئەم ئافرەتە ئەم هەڵس‌و كەوتەی لەم پیاوە بێگانەیە بینی لێی سەرسام بوو. ووتی پێی خوا پاداشتت بداتەوە بەچاكە.