ماڵپەری قورئانی پیرۆز

نووسينى /هارون نوح طه/كتێبخانه‌ى محوى ///عەمری كوڕی عاص والی بوو لە مصر كوڕێكی هەبوو. ڕۆژێك پێش بڕكێی لەگەڵ یەكێ لە مسریەكان كرد بە ئەسپەكەی. میسریەكە سەركەوت بەسەر كوڕی والی.

كوڕەكە دەستی كرد بە لێدانی میسریەكە پێی ووت: تۆ چۆن بە پێش كوڕی دوو بەڕێزەكە دەكەویت پیاوە میسریەكەش تووڕە بوو شكایەتی خۆی بردە لای ئیمامی عمر لە مەدینە. ئیمامی عمر بانگی عەمری كوڕی عاصی كرد لەگەڵ كوڕەكەی‌و میسریەكە خەڵكی بۆ كۆكردنەوە ووتی: بە میسریەكە بڕۆ كێ لێی دای لە مانە لێی بدەوە. بڵێ من لە كوڕی دوو بەڕێزەكە دەدەم. پاشان پێی ووت: دەبێ لە والی میسریش بدەیت كە باوكی كوڕەكە بوو. چونكە ئەم كوڕە هێندە ئازا نی یە ئەگەر لەبەر دەسەڵاتی باوكی نەبێ پاشان ئیمامی عمر بە دەنگێكی بەرز ووتی: بە عەمری كوڕی عاص چ كاتێك ئێوە خەڵكتان كردووە بە كۆیلە كەچی بە ئازادی لە دایك بوون