ماڵپەری قورئانی پیرۆز

لەم ئایەتەدا خودا سروش‌و نیگای هەڵس‌و كەوتێك بە كۆرپەكەی دەخاتە دڵی دایكی موساوەو رێگەی چۆنیەتی پاراستنیی پیشان دەدات. بەڵام بەراستی رێگەیەكی سەرسوڕهێنەر‌و، توندوتیژی‌و چاوقایمیی تێدایە.. منداڵێكی ساوا بخەرە نێو سندوقێكی سەرگیراوەو، سندوقەكە فڕێ‌ بدەرە نێو دەریاوە‌و، دەریاش بیبات بۆ كەنار..

فڕێ‌ی دەرە دەریاوە بەراستی (قذف)یش كارێكی قورس‌و توندتیژە؟ كێ‌ فڕێ‌ دەدات؟ كوڕێكی ساوای تازە لەدایك بووی بێ‌دەسەڵات‌و لاواز، كە تەمەنی چەند سەعاتێكە، بە سندووقێكەوە فڕێ‌ی بدات، ئەمەش وەك ئەوەی پێ‌ی گوترابێت پاراستنی كوڕەكەت لەسەر تۆ نییە، بەڵكو لەسەر خوایە، لەبەر ئەوە فڕێ‌ی دەرە نێو سندووقەكەوە، واتە نەك بەهێواشی‌و بە نەرمی بیخەیتە نێوی.. ئینجا سندووقەكەش فڕێ‌بدە نێو دەریاكەوە.

هەردوو فەرمانی (ﭙ: فڕێ‌ی بدە) چەندین فێنكایی خۆش‌و چەندین ئاماژەی نیگا بەخشی جوان‌و چەندەها ئاڕاستەی حەشاردراویش دەخەنە نێو زەین‌و خەیاڵەوە، كە زەین‌و هەستی بینا تامی شیرینی دەچێژێت‌و هۆگری دەبێت، دیارە بەزمانی ئاخاوتن هیچ تەرجەمە‌و گوزارشتێكی پێ‌ دەرنابڕرێت. داوا لە خوێنەری بەڕێزیش دەكەین بەوردی سەرنج لەم ئایەتە بدات‌و هەموو ئەو سێبەری فێنكایی‌و ئاراستە‌و ئاماژەی نیگابەخشانەی تێدا بەدی بكات.