ماڵپەری قورئانی پیرۆز

هەروەها فەرموویە: {وَأَوْحَيْنَا إِلَى أُمِّ مُوسَى أَنْ أَرْضِعِيهِ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ (7)} [القصص] واتە: (ئینجا دارودەستەی فیرعەون هەڵیان گرتەوە).

بەراستی مرۆڤ لەم دیمەنەی نێو چیرۆكەكە سەرسام دەبێت كە خودا سزای فیرعەون لەسەر فڕوفێڵەكانی دەدات‌و لاوازی‌و بێ‌تواناییشی پیشانی ئێمە دەدات. ئەمەش وەك ئەوەی پێ‌ی بفەرموێت: (تۆ ئەی فیرعەون، بەدوای مناڵە لەدایك بووە نێرینەكانی بەنو ئیسرائیلدا دەگەڕێیت تاكو بیانكوژیت، بەڵام خۆت بە گەڕان ماندوو مەكە، چونكە ئەوا ئێمە خۆمان یەكێك لەو منداڵە نێرینانەت بۆ دەهێنین بێ‌ئەوەی بەدوایدا بگەڕێیت یان هەوڵا‌و تەقەلای دۆزینەوەی بدەیت، ئەوا منداڵەكە هێنراوە بۆ لات‌و بچووك‌و بێ‌دەسەڵاتە‌و توانای بەرگریی لەخۆی نییە، جا تۆش ئەگەر دەتوانیت بیكوژە.. ئەو لەماڵی تۆدایە‌و لەبەردەستت دایە، تۆش توانای ئەوەت نابێت كە خراپەیەكی دەرهەق بكەیت یان ئازارێكی بدەین، بەڵكو بە پێچەوانەشەوە تۆ دەبێت لە خزمەتیدا بیت‌و تەرخان دەكرێیت بۆ پەروەردە‌و سەرپەرشتیارێتیكردنی تاكو گەورە دەبێت‌و دەتكوژێت)

ئەم وتانە خوێندنەوەی ئەو بارودۆخە بوو كە وەك ئەوە وایە خودا بەو رەنگە بە فیرعەونی راگەیاندبێت.

كێ‌ موسای گرتەوە؟ وەڵام (دوژمنەكەی خودا‌و دوژمنەكەی موسا) واتە فیرعەون، واتە دوژمنی سەرسەخت‌و تینوو بەخوێنی موسا، هەروەها دوژمنی خوداش.. واتە ئەو دوژمنەی كە ئیددعای هەردوو سیفەتی خوایەتی‌و پەروەردگارێتی (اڵالوهیە والربوبیە)ی دەكرد، كەچی سەرەڕای ئەمەش دەستەوسان بوو لە كوشتنی كوڕێكی تازە لەدایك بوو كە بە ئاسانی كەوتبووە بەردەستی خۆی