ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گه‌شتێک به ژیانى پێغه‌مبه‌رى خودا (ص) به پرسیار و وه‌لآم......(19) هه‌ڵوێستى گه‌له‌که‌ى چۆن بوو له پاشان؟
و: له‌و ده‌مه‌یه‌وه ژیانى موسڵمانان به گشتى و هى پێغه‌مبه(صلى الله عليه وسلم) به تایبه‌تى زۆر که‌وته مه‌ترسییه‌وه ، چونکه زۆر به دل ره‌قانه ئازاریان ده‌دان ، به‌لآم ئه‌وان زیاتر گه‌رم تر بوون له‌سه‌ر ئایینه‌که‌یان و به هیچ شێوه‌یه‌ک کۆڵیان نه‌ده‌دا .
ئازاردانى پێغه‌مبه‌ریش (صلى الله عليه وسلم) به‌م شێوه‌یه‌ى خواره‌وه بوو :
١- له‌کاتى سوژده بردندا ، کافره‌کان به هه‌ردوو پێیه‌وه له‌سه‌ر سه‌رى ده‌وه‌ستان .
٢-پیسایى و ریخۆڵه‌ى حوشتریان له سه‌ر سه‌رى کۆ ده‌کرده‌وه
٣-دڕک و داریان له رێگا بۆ داده‌نا ، بۆ ئه‌وه‌ى پێیه‌کانى زامدار و به ئازار که‌ون .
٤-عه‌باکه‌ى خۆیان له ملدا ده‌ئالآند ، تا بیخنکێنن !
٥-له(طائف) هێنده به‌رده بارانیان کرد ، تاوه‌کو خوێن گه‌یشته‌وه نێو پێلآوه‌کانى .
وه ئازارى هاوه‌ڵه به‌ڕێزه‌کانیش به‌م شێوه‌یه بوو :
١-(3) سالأ گه‌مارۆى ئابورى (الحصار الاقتصادي)یان له‌سه‌ر دانان . تا جارى وا هه‌بووه له برسان گژو گییان ئه‌خوارد .
٢-بیلالى حه‌به‌شى به ده‌ستى ئوممه‌یه‌ى کوڕى خه‌له‌ف به‌ردى زلى له‌سه‌ر سک داده‌نا ، له بیابانێکى گه‌رمدا ، به‌لآم ئه‌و هه‌ر ده‌ى وت (احد-احد).
٣-جارێکیان هێنده‌یان له ئه‌بوبه‌کر دا ، تا ده‌م و چاوى له‌به‌ر خوێن نه‌ده‌ناسرایه‌وه .
٤-به‌شیشێکى سوور بووه‌وه سه‌رى خه‌بابى کوڕى ئه‌ره‌ت یان داغ ده‌کرد .
٥-سومه‌ییه ى دایکى عه‌ممار به ده‌ستى (ابو جهل)شه‌هید کراو یاسرى باوکیشى به زامدارى مایه‌وه تا گیانى ده‌رچوو .
به‌م پێیه یاسرو سوممه‌یه بوون به‌یه‌که‌م شه‌هیدو به پێشه‌نگى شه‌هیدان ناسران له ئیسلامدا .