ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
میوە پێش گۆشت...له‌قورئاندا
نووسينى /سه‌روه‌ر حسن /نووسينگه‌ى ته‌فسير///خوای پەروەردگار دەفەرموێت:{وَفَاكِهَةٍ مِمَّا يَتَخَيَّرُونَ (20) وَلَحْمِ طَيْرٍ مِمَّا يَشْتَهُونَ (21)} [الواقعة] واتە: میوەشیان بۆ دەگێڕن، بە ئارەزووی خۆیان لێی هەڵدەبژێرن، گۆشتی هەر باڵندەیەكیش كە حەزی لێبكەن بۆیان ئامادەیە.
هەروەها دەفەرموێت:{وَأَمْدَدْنَاهُمْ بِفَاكِهَةٍ وَلَحْمٍ مِمَّا يَشْتَهُونَ (22)} [الطور] واتە: بەردەوام حەزیان لە هەر میوە و گۆشتێك بێ پێشكەشیان دەكەین.
زانستی پزیشكی نوێ و خۆراكناسی ئاشكرایانكرد كە خواردنی میوە لەپێش ژەمە خۆراكییەكان سودگەلێكی تەندروستی هەیە، چونكە میوە شەكرە سادەكانی تێدایە كە بە ئاسانی هەرس دەكرێن و خێراش دەمژرێن، ڕیخۆڵەكانیش لە ماوەیەكی كورتدا (كە بە چەند خولەكێك مەزەندە دەكرێت) ئەو شەكرانە دەمژن و جەستە پێیان دەبوژێتەوە و نیشانەكانی برسێتی و كەمی شەكر نامێنێت. ئەگەر هاتوو كەسێك ڕاستەوخۆ گەدەی پڕ لە خۆراكی جیاواز بكات، پێویستی بە نزیكەی سێ كاتژمێر دەبێت تاكو ئەو شەكرەی تێیدایە دەیمژن، بۆیە بۆ ماوەیەكی درێژ نیشانەكانی برسێتی دەمێننەوە.
شەكرە سادەكان، وێڕای سادە هەرسبوون و مژینیان، سەرچاوەیەكی بنەڕەتی وزەی خانە جیاوازەكانی جەستەشن. لەو خانانەی سوودێكی خێرا لە شەكرە سادەكان دەبینن دیواری ڕیخۆڵەكانن، كە بەخێرایی چالاك دەبنەوە كاتێك شەكری میوەیان پێدەگات، ئامادەباشیش دەبن بۆ جێبەجێكردنی فەرمانەكان بە باشترین شێوە (لە مژینی جۆرە جیاوازەكانی خۆراك كە كەسەكە لەدوای میوە دەیانخوات).
ڕەنگە ئەوە حیكمەتی پێشخستنی میوە بێت بەسەر گۆشتدا، وەك شێوازی ئایەتە پیرۆزەكە.