ماڵپەری قورئانی پیرۆز

نووسينى/سه‌روه‌ر حسن //نووسينگه‌ى ته‌فسير///قورئانی پیرۆز هەواڵیداوە كە زەوی بە دەوری خۆیدا دەسوڕێتەوە و شێوەكەیشی نیمچە گۆییە، لە وەسفێكی جوان و وێناكردنێكی سەرنجڕاكێشدا، ئەویش بە باسكردنی بەرەنجامی ئەم سوڕانەوەیە،

وەك دەفەرموێت:{إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثًا وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْڕهِ أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ (54)} [الأعراف]، واتە: شەو ڕ‌وژ دادەپۆشێت و بەخێرایی عەوداڵە بەدوایدا. یان دەفەرموێت: {ذَلِكَ بِأَنَّ اللَّهَ يُولِجُ اللَّيْلَ فِي النَّهَاڕ وَيُولِجُ النَّهَارَ فِي اللَّيْلِ وَأَنَّ اللَّهَ سَمِيعٌ بَصِيرٌ (61)} [الحج]، واتە: خوای گەورە زاتێكە كە شەو تێهەڵكێشی ڕۆژ دەكات و ڕۆژ تێهەڵكێشی شەو دەكات. هەروەها دەفەرموێت:{خَلَقَ السَّمَاوَاتِ وَالْأَرْضَ بِالْحَقِّ يُكَوِّرُ اللَّيْلَ عَلَى النَّهَاڕ وَيُكَوِّرُ النَّهَارَ عَلَى اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْڕي لِأَجَلٍ مُسَمًّى أَلَا هُوَ الْعَزِيزُ الْغَفَّارُ (5)} [الزمر]واتە: ئاسمانەكان و زەوی لەسەر بنچینەی هەق و ڕاستی دامەزراندووە، بەشێوەی كەوانەیی شەو بەسەر ڕۆژدا دێنێت و بەهەمان شێوەی كەوانەیی ڕۆژیش بەسەر شەودا دێنێت.