ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کانى نوێژخوێنان له پۆشاکدا .. ٤- نوێژی كه‌سێك عه‌وره‌تی دیار بێت:
وه‌رگێڕانى : ناصح ئیبراهیم سازانى / خوای گه‌وره ده‌فه‌رموێت: { َيا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْڕفُواْ إِنَّهُ لاَ يُحِبُّ الْمُسْڕفِينَ } اڵاعراف: ٣١. واته: ئه‌ی نه‌وه‌ی ئاده‌م، پۆشاكی جوان و ڕازاوه‌تان بپۆشن له‌كاتی
هه‌موو نوێژێكدا وه‌بخۆن و بخۆنه‌وه(له‌وه‌ی كه حه‌ڵاڵه بۆتان) و زیاده ڕه‌وی مه‌كه‌ن, بێ گومان خوا زیاده‌ڕه‌وانی خۆش ناوێ. ئه‌ندازه‌ی عه‌وره‌تی پیاو نێوان ناوك و ئه‌ژنۆیه‌تی, كه‌واته ناوك و ئه‌ژنۆ عه‌وره‌ت نین.به‌ڵام ئافره‌ت له‌كاتی نوێژكردندا هه‌موو جه‌سته‌ی عه‌وره‌ته: بۆیه پێویسته له نوێژدا هه‌موو جه‌سته‌ی دابپۆشێت جگه له روخسارو هه‌ردوو ده‌ستی.
پێشه‌وا ( ئیبن ته‌یمیه ) ده‌ڵێ: نوێژی كه‌سێك رانه‌كانی رووت بێ دروست نیه, ئه‌گه‌ر توانای هه‌بێت دایان بپۆشێت.. زانایان رایان جیاوازه له‌سه‌ر كه‌سێك عه‌وره‌تی دیار بێت له چۆڵه‌وانیدا, به‌ڵام بۆ نوێژكردن جیاوازیان نیه و هه‌ر ده‌بێت عه‌وره‌تی داپۆشراو بێت .
ئیتر پێویست به دوودڵی ناكات كه ڕان عه‌وره‌ته چونكه ره‌ئی زۆربه‌ی زانایانی له‌سه‌ره, پێشه‌وا ( شه‌وكانی ) ش بڕیاری له‌سه‌ر داوه .
( شێخ ئه‌لبانی ) ده‌ڵێ: به‌ڵێ, له‌وانه‌یه وته‌ی عه‌وره‌تی ڕان سوكتر بێت له عه‌وره‌تی پاش و پێش, كه( ئیبن قه‌یم ) له كتێبی (تهذیب السنن)دا هه‌مان بۆچوونی هه‌یه وه‌ك لێم گێڕاوه‌ته‌وه له (الإروا‌ء)دا, رواڵه‌تی ده‌ستدان له‌ڕان كه له فه‌رموده‌كه‌ی (أبی ذر)دا هاتووه ئه‌وه ده‌گه‌یه‌نێت كه له‌سه‌روو پۆشاكه‌وه بووه, وه‌ك حوكمی ده‌ستدان له پاش و پێش نیه .