سەرەکیەکان

ئاماری ماڵپەر





ته‌فسیری ئاسان دابه‌زێنه‌


خوێندنەوەو تەفسیری قورئانی پیرۆز

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
-  بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

سەرەتا

كەمترین ماوەی سكپڕی شەش مانگە..له‌قورئاندا

كەمترین ماوەی سكپڕی شەش مانگە..له‌قورئاندا

نووسينى /سه‌روه‌ر حسن/نووسينگه‌ى ته‌فسير///قورئان لەپێش زانستی پزیشكیەوە باس لە كەمترین ماوەی سكپڕی دەكات كە شەش مانگە، ئەوەش لەو ئایەتەدا كە دەفەرموێت: {وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا

بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ (15)} [الأحقاف]، واتە: ئێمە فەرمانمان بە مرۆڤ داوە كە چاكەكار و چاك ڕەفتار بێ‌ لەگەڵ دایك و باوكیدا، دایكی بە ئازارەوە هەڵیگرتووە و بەدەم ئێش و ئازارەوە بوویەتی، سكپڕبوون و لەشیربڕینەوەی سی دانە مانگی خایاندووە.

هەروەها دەفەرموێت: {وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14)} [لقمان]، واتە: ئێمە فەرمانمانداوە بە مرۆڤ بە چاك ڕەفتاری لەگەڵ دایك و باوكیدا، دایكی بە ئێش و ئازار و لاوازی و بێتاقەتییەكی زۆرەوە، (بەپێستی سكی نۆ مانگ) هەڵیگرتووە، بڕینەوەشی لەدوای دوو ساڵە. فەرمانمان پێدا كە ئەی مرۆڤ سوپاسگوزاری منیش و دایك و باوكیشت بە، دڵنیابن كە گەڕانەوەتان هەر بۆلای منە.
یان دەفەرموێت:{وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ وَعَلَى الْمَوْلُودِ لَهُ ڕزْقُهُنَّ وَكِسْوَتُهُنَّ بِالْمَعْرُوفِ لَا تُكَلَّفُ نَفْسٌ إِلَّا وُسْعَهَا لَا تُضَارَّ وَالِدَةٌ بِوَلَدِهَا وَلَا مَوْلُودٌ لَهُ بِوَلَدِهِ وَعَلَى الْوَاڕثِ مِثْلُ ذَلِكَ فَإِنْ أَرَادَا فِصَالًا عَنْ تَرَاضٍ مِنْهُمَا وَتَشَاوُرٍ فَلَا جُنَاحَ عَلَيْهِمَا وَإِنْ أَرَدْتُمْ أَنْ تَسْتَرْضِعُوا أَوْلَادَكُمْ فَلَا جُنَاحَ عَلَيْكُمْ إِذَا سَلَّمْتُمْ مَا آتَيْتُمْ بِالْمَعْرُوفِ وَاتَّقُوا اللَّهَ وَاعْلَمُوا أَنَّ اللَّهَ بِمَا تَعْمَلُونَ بَصِيرٌ (233)} [البقرة] واتە: دایكان دوو ساڵی تەواو با شیر بە منداڵەكانیان بدەن بۆ هەر كەس كە دەیەوێت شیری تەواو بدات.
گەر ماوەی شیرپێدان كە دوو ساڵی تەواوە (24 مانگ) لاببەین لە (30) مانگ كە ماوەی سكپڕی و شیرپێدانە، ئەوا شەش مانگ دەمێنێتەوە بۆ سكپڕی، ئەوەش ئەو ماوە پێویستەیە بۆ كۆرپەلە كە ئەگەر لەدایك ببێت بە زیندوویی دەمێنێتەوە (بە ویستی خوا).
هاوەڵانی پێغەمبەریش پشتیان بەم تێگەیشتنە بەستووە... گێڕدراوەتەوە پیاوێك ژنی هێنا و دوای شەش مانگ منداڵی بوو، لەمكاتەدا "عوسمانی كوڕی عەفان" ویستی (حەدد)ی زینای بەسەردا جێبەجێ بكات بەو گومانەی كە سەرەتای سكپڕی ئافرەتەكە لەپێش شووكردنیدا بووە... لەوكاتەدا "ئیبن عەباس" ڕوونیكردەوە و وتی: خوای گەورە دەفەرموێت: سكپڕی و شیرپێدانی سی مانگی خایاندووە. هەروەها دەفەرموێت: [ﭾ ﭿ ﮀ...] لەشیربڕینەوەی دوای دوو ساڵە. لێرەدا تەنها شەش مانگ بۆ سكپڕی ماوەتەوە... ئیتر بێتاوانی ئافرەتەكە ڕوون بووەوە.
زانستی پزیشكیش ڕوونی كردووەتەوە كە كەمترین ماوەی سكپڕی كە دەگونجێت كۆرپەلە بە زیندوویی لەدایك ببێت بریتیە لە (6 مانگ)... لەدایكبوونی بەر لەوە پێیدەوترێت لەبارچوون، كە كۆرپەلە ئەگەری ژیانی نییە، لەدایكبوونی دوای ئەوەش و بەر لەتەواوبوونی سكپڕی بە نۆ مانگ (واتە 270رۆژ) پێیدەوترێت لەدایكبوونی پێشوەخت، ئەمەی دواییان ئەگەری زۆری بەزیندوو مانەوەی هەیە، بەڵام زانستی پزیشكی ئامۆژگاری دەدات كە چاودێری تایبەتی ئەو منداڵە تازە لەدایكبووە بكرێت، بەتایبەت ئەگەر بە (7 مانگی) لەدایكبوو ئەوا بەویستی خوا لەژیاندا دەمێنێتەوە.
هەموو مافەکانی پارێزراون بۆ ماڵپەری قورئانی پیرۆز