ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى (٩) سوڕه‌تى (الانفال) : { إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلآئِكَةِ مُرْدِفِينَ }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایه‌ته‌که : (ترمذي) له (عمر)ى کوڕى (خطاب)ه‌وه ده‌گێڕێته‌وه،ده‌ڵێت:له‌ڕۆژى (بدر)دا پێغه‌مبه‌ر (درودى خواى له‌سه‌ربێت) ته‌ماشاى موشریکه‌کانى کرد و بینى
هه‌زار که‌س ده‌بن و هاوه‌ڵانیشى سێ سه‌د و چه‌ند هاوه‌ڵێکن ، ئه‌وجا ڕووى کرده (قبلة) و ده‌ستى بڵند کرده‌وه و بانگى په‌روه‌ردگاره‌که‌ى کرد : په‌روه‌ردگار ئه‌و به‌ڵێنه‌ى پێت دابووم بۆم بهێنه دى،خوایه گیان گه‌ربێتوو ئه‌م تاقمه تیابچێت ئه‌وا جارێکى دى له‌سه‌ر زه‌وى دا ناپه‌رسترێیت.ئینجا به‌رده‌وام بانگى په‌روه‌ردگارى ده‌کرد و ده‌ستى به‌رزکرده‌وه و ڕووه‌و (قبلة) هه‌تا عه‌باکه‌ى له‌سه‌ر شانى پیرۆزى که‌وته خواره‌وه،پاشان حه‌زره‌تى (أبوبكر) هات و عه‌باکه‌ى هه‌ڵگرته‌وه و دایه‌وه به‌سه‌ر شانى داو باوه‌شى پێدا کردو وتى : ئه‌ى فرستاده‌ى په‌روه‌ردگار به‌سه بانگکردنى په‌روه‌ردگاره‌که‌ت،به‌ڕاستى ئه‌و په‌یمانه‌ى پێى داوى بۆت به‌جێ ده‌گه‌یه‌نێت،ئینجا ئایه‌تى : { إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلآئِكَةِ مُرْدِفِينَ } دابه‌زى و په‌روه‌ردگار به فریشته‌کان کۆمه‌کى کردن.