ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌شی یه‌كه‌م : ئیعجازی زمانه‌وانی
نووسینی /ئیكرام كه‌ریم
ئاماده‌كردنی /نه‌جات رواندزی
زۆر كه‌س باسی ئیعجازی قورئانی بۆ ئه‌كه‌ی خێرا زه‌ینی بۆ ئه‌م لایه‌نه ئه‌روات و چونكه بروای وایه كه‌س ناتوانێ له ئاستی ره‌وانبێژی قورئاندا سوره‌تێك ، یان چه‌ند سوره‌تێك بڵێت ، چونكه قورئان له هه‌ر رووه‌كی زمانه‌وانیوه لێی ورد ئه‌بینه‌وه جۆرێك سه‌رسامی پێوه ئه‌بینی
- له رووی مۆسیقاو ووشه‌و سیستمی فۆنه‌تیكی ئایه‌ته‌كانه‌وه سه‌یری ئه‌كه‌ی .
- له‌رووی جوانی وێنه‌و سێبه‌ری ماناكانه‌وه سه‌یری ئه‌كه‌ی .
- له‌رووی مانای زۆری ناو (ووشه كه‌مه‌كان ) یه‌وه سه‌یری ئه‌كه‌ی .
- له رووی وورده‌كاری پیتی ووشه‌كان و ریزبه‌ندی ووششه‌ی ناو رسته‌كان و هاتنی مه‌به‌ست و وردی رسته‌كان له ناو چه‌مكێكی دیاری كراودا لی ورد ئه‌بینه‌وه ( پیت له ووشه له رسته‌دا و رسته له چه‌مكدا ).
- له ئه‌وه‌وه ورد ئه‌بینه‌وه كه به‌شی عه‌قل و به‌شی دڵ و به‌شی ده‌روون پێكه‌وه ئه‌دات و تێریان ئه‌كات و ئه‌میان له‌سه‌ر حیسابی ئه‌ویان بێبه‌ش ناكات .
له‌هه‌ر یه‌كێك له‌م لایه‌نانه‌وه ورد ئه‌بینه‌وه قورئان -موعجیزه‌یه‌كه‌و سه‌ری مرۆڤ سور ئه‌مێنێ .. بۆ ئه‌وه‌ی له‌م لایه‌نی ره‌وانبێژی و زمانه‌زانی قورئانه بگه‌ی ، لێبگه‌رێ با قورئان خوێنێكی شاره‌زا و ده‌نگ خۆش هه‌ندێ قورئانت بۆ بخوێنێ و جا گوێ بگره بۆ مۆسیقای ووشه‌كان و دڵ بده به ماناو مه‌به‌سته‌كانی ئه‌و ئایه‌تانه‌تا بۆت ده‌ر بكه‌وێ ئه‌م قورئانه له چ لوتكه‌یه‌كدایه و چۆن به (سیحری ) ووشه‌كانی دڵت كه‌مه‌ندكێش ئه‌كات و مووی له‌شت گرژ ئه‌كات و پاشان دڵت نه‌رم ئه‌كات و جۆرێك له‌عیشق و خۆشه‌ویستی له (رۆحتا ) دروست ئه‌كات . تاقیبكه‌ره‌وه ئه‌بینی !