ماڵپەری قورئانی پیرۆز

قورئانی پیرۆز چواردە سەدە بەر لەوەی زانایان ئاشكرای بكەن ئەم ڕێگایەی بەكارهێناوە. لە هەر دەقێك لە دەقەكانیدا وێناكردنێكی وردی هەستە سەلبیەكان و ئەو ئاكامانە دەبینین كە ڕەنگە لەو هەستانەوە بكەونەوە، لە هەمانكاتدا بە وردی لایەنە ئیجابیەكانمان بۆ وێنا دەكات لەگەڵ ئاكام و سوودەكانیان لە دونیا و دواڕۆژدا.

لەگەڵمدا ڕابمێنە لەم وێناكردنە نایابەی قورئانی پیرۆز دەیخاتە بەردەممان، بڕوانە چۆن ئاكامی سەلبی و ئاكامی ئیجابیمان بۆ ڕوون دەكاتەوە و بەراوردیان لەنێواندا دەكات و ئازادیی هەڵبژاردنمان بۆ جێدێڵێت: {إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا أَفَمَنْ يُلْقَى فِي النَّاڕ خَيْرٌ أَمْ مَنْ يَأْتِي آمِنًا يَوْمَ الْقِيَامَةِ اعْمَلُوا مَا شِئْتُمْ إِنَّهُ بِمَا تَعْمَلُونَ بَصِيرٌ (40)} [فصلت] واتە: ئایا ئەوەی فڕێ‌ بدرێتە ئاگری دۆزەخەوە چاكترە یان ئەو كەسەی بە دڵنیایی و ئارامی و هێمنیەوە دێت لە ڕۆژی قیامەتدا و بەڕێزەوە بەرەو بەهەشت بەڕێ‌ دەكرێت؟ (ئەی بێباوەڕان) هەرچیتان لەدەستدێت بیكەن، چونكە لە دەستی خوا دەرناچن، دڵنیاش بن خوا بینایە بەو كردەوانەی دەیكەن.

ئەمە پرسیارێكە لەم ساتەوە پێویستە لەسەرمان وەڵامی بۆ ئامادە بكەین تاكو خوای گەورە لە سزای بەسوێ‌ ڕزگارمان بكات... لە خوای پەروەردگار داواكارین هەموو ژیانمان بكاتە ئیجابی و یارمەتیمان بدات بۆ جێبەجێكردنی ئەوەی لە كتێبەكەیدا هاتووە، هەر خۆی بەتوانایە بەسەر هەموو شتێكدا.