ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کانى نوێژخوێنان له پۆشاکدا .. ٩- (سدل)ى پۆشاک له نوێژدا:
وه‌رگێڕانى : ناصح ئیبراهیم سازانى / ئه‌مه‌ش یه‌کێکى تره له سه‌رپێچیه‌کان, چونکه پێغه‌مبه‌رى خوا صلى الله علیه وسلم قه‌ده‌غه‌یکردووه.ئه‌بو هوره‌یره ره‌زاى خواى لێ بێ ده‌ڵێت: (نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ السَّدْلِ فِي الصَّلَاةِ) . واته: پێغه‌مبه‌رى خوا صلى الله علیه وسلم (سدل). پۆشاک به‌ردانه‌وه‌ى قه‌ده‌غه کردووه له نوێژدا.
زانایان رایان جیاوازه له ماناى (السَّدْل)دا:
ده‌ڵێن: (السَّدْل) پۆشاک به‌ردانه‌وه‌یه هه‌تا ده‌گاته زه‌وى, ئه‌مه‌ش وته‌ى ئیمام شافیعى و, (خَطابي)یه .
ده‌ڵێن: (السَّدْل): ئه‌وه‌یه نوێژخوێن پاڵتۆیه‌ک یان چاکه‌تێک یا هه‌ر شتێکى له‌و جۆره بکاته سه‌ر شانى به‌بێ ئه‌وه‌ى ده‌ست له قۆڵه‌کانیه‌وه ده‌ربکات, ئه‌مه‌ش وته‌ى ئیمام ئه‌حمه‌ده .
ده‌ڵێن: ئالآندنى پۆشاکه به‌خۆوه و ده‌ستکردنه به‌ناویدا, به‌و شێوه‌یه‌ش رکوع و سه‌جده ببرێت, ئه‌مه‌ش وته‌ى ئیبن (الأثير)ه .
هه‌روه‌ها ده‌ڵێن: پۆشاک به‌ردانه‌وه‌یه به‌بێ ئه‌وه‌ى لاکانى کۆکرێته‌وه, ئه‌گه‌ر کۆبکرێته‌وه ئه‌وه (سدل) نیه, ئه‌مه‌ش وته‌ى ئه‌بو عوبه‌یده.
ئه‌مه‌ش ئه‌وه ده‌گه‌یه‌نێت ئه‌گه‌ر لاکانى پۆشاکه‌که کۆبکرێته‌وه و ده‌ست نه‌کرێ به‌ناو قۆڵه‌کانیدا ئه‌وه (إسدال) نیه وه‌ک عه‌با.
پێشه‌وا شه‌وکانى ده‌ڵێ: دواى ئه‌و وتانه‌ى که باسکران له‌پێشه‌وه : هیچ رێگرێ نیه له‌به‌رده‌م دانانى فه‌رموده‌که له‌سه‌ر هه‌موو ئه‌و مانایانه, ئه‌گه‌ر (سدل) له نێوانیاندا هاوبه‌ش بێت, ئه‌مه‌ش رای مه‌زهه‌بی به‌هێزه .
چاکه‌ت دانه سه‌رشان به‌بێ ئه‌وه‌ى ده‌ست له قۆڵه‌کانیه‌وه ده‌ربکرێت, هه‌روه‌ها دانانى ده‌سته‌سڕ یان هه‌ر شتێکى تر له‌سه‌ر شان (سدل)ه...
زاهیریه‌کان ده‌ڵێن: (السَّدْل) حه‌رامه له نوێژدا, جمهورى زانایان قه‌ده‌غه‌کردنیان داناوه به‌سه‌ر که‌راهه‌تدا .