ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گۆشتی مردارەوە بوو و خوێن...له‌قورئاندا
نووسينى /سه‌روه‌ر حسن /نووسينگه‌ى ته‌فسير///گۆشتی مردارەوەبوو كۆگایەكە بۆ میكرۆب و نەخۆشییە كوشندەكان... ئایا ئەگەر گرامێك خوێن یان گرامێك گۆشت لە شوێنێكی دیار و ئاشكرادا دابنێین و بمانەوێت دوای سێ یان چوار كاتژمێری تر بەكاری بێنین،
هیچ زیانێكی دەبێت؟
بەدڵنیاییەوە زیانێكی گەورە بەر بەكارهێنەرەكەی دەكەوێت. لەوانەیە میكرۆبی نەخۆشی لەڕێی چەقۆ بەكارهاتووەكەوە بۆ خوێنەكە گوێزرابێتەوە، یان لەڕێی هەواری دەوروبەریەوە. ئەگەر ژمارەیەك میكرۆب بەهەر ڕێگایەك بۆ خوێنەكەی گوازرانەوە، ئەوا هەر تاكە میكرۆبێك بەشێوەیەكی ئەندازەیی هەموو نیو كاتژمێرێك چەند هێند دەبێتەوە، هەر میكرۆبێك دەبێتە دوان و... خۆئەگەر واماندانا هەزار میكرۆب بۆ ئەو یەك گرام خوێنە گوازراونەتەوە، ئەوا دوای نیوكاتژمێر دەبێتە دووهەزار، دوای كاتژمێرێك دەبنە چوار هەزار و پاش كاتژمێر و نیوێك دەبنە هەشت هەزار و پاشان ژمارەیان زیاددەكات بۆ شانزەهەزار، دوای تێپەڕبوونی دوو كاتژمێر، پاش سێ كاتژمێریش ژمارەی میكرۆبەكان دەبنە شەست و چوار هەزار كە بەتەواوی ئەو گرام خوێنە داگیر دەكەن. ئەمە سەرەڕای ئەو ڕاستییەی كە هەندێك لە جۆرەكانی بەكتریا وەك بەكتریا چیلكەییەكان (زۆبەشیان مەترسیدارن) زۆر خێراتر لەم نموونەیە لە خوێندا گەشەدەكەن.
ئەوەش زانراوە خوێنی ئاژەڵەكە ڕاستەوخۆ دوای مرداربوونەوەی ژمارەیەكی زۆر میكرۆبی تێدەچێت (لەبەرئەوەی لاشەی ئاژەڵەكە بەرگری نامێنێت) و بەوەش پیس و زەرەرمەند دەبێت بۆ تەندروستی مرۆڤ، ئەگەر خواردیەوە، یاخود لە جێگایەك هەڵی بگرێت و دواتر بیخواتەوە.