ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
( حوذه‌یفه‌ی كوڕی یه‌مان ) دوژمنی دووڕوویی و دۆستی قسه‌له‌ڕوو . ( کۆتایى )
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ئه‌و كه‌سه‌ی سه‌رنجی (حوذه‌یفه) بدات له بیركردنه‌وه‌و، شێوازی كاركردنی و...له سه‌رقاڵبوونی به زانست و زانیارییه‌وه رابمێنێت، هیچ پاڵه‌وانێتیه‌كی له مه‌یدانی شه‌ڕ و كوشتاردا لێ چاوه‌ڕوان
ناكات..له‌گه‌ڵ ئه‌مه‌شدا.. (حوذه‌یفه) له‌م بواره‌دا هه‌موو گومانه‌كانی ده‌سڕیه‌وه ...وئه‌و پیاوه خواپه‌رسته، سه‌رنجده‌ره، هه‌ر كه شمشێره‌كه‌ی هه‌ڵده‌گرت و رووبه‌ڕووی سوپای بت په‌رستی و تاریكی ده‌بوویه‌وه توانای له‌راده‌به‌ده‌ر و سه‌رسوڕهێنه‌ری خۆی ده‌خسته روو كه جێگه‌ی سه‌رسام بوون بوو.به‌سه بۆمان كه بزانین، ئه‌و سێیه‌مین كه‌س، یان پێنجه‌مین كه‌س بووه، له‌نێو ئه‌و هاوه‌ڵانه‌ی ده‌ستپێشخه‌ری مه‌زن بوون له رزگاكردنی هه‌موو (عێراق)دا..!هه‌مه‌دان و، ره‌ی و، ده‌ینه‌وه‌ر، له سه‌رده‌ستی ئه‌و رزگار كران..له جه‌نگی (نه‌هاوه‌ند)ی مه‌زنیشدا، كه فارسه‌كان له سه‌د و په‌نجا هه‌زار جه‌نگاوه‌ردا خۆیان ده‌نواند.. ئه‌میری باوه‌ڕداران (عومه‌ر)، (نوعمانی كوڕی موقره‌ن)ی هه‌ڵبژارد بۆ سه‌ركردایه‌تی سوپای موسڵمانان و، نامه‌یشی نووسی بۆ (حوذه‌یفه) كه سه‌ركردایه‌تی سوپایه‌ك بكات و له (كوفه)وه به‌ره‌و لای بچێت..(عومه‌ر) نامه‌ی خۆی بۆ جه‌نگاوه‌ران نارد و، نووسی: