ماڵپەری قورئانی پیرۆز

رۆشناصالح...تۆ تیشکی زیوینی ئومێدبووی کۆتایت
به‌شه‌وه‌زه‌نگی جه‌هاله‌ت هیناو
موژده‌ی سپێده‌یه‌کی نوێت پێداین
 
تۆ ئاونگێکی پڕ ره‌نگ بوویت و
هه‌رچی گوڵی سیس بوو ژاکاوی
خه‌ونه‌کان بوو ،پڕت کرد له‌ره‌نگ و
 بوژانته‌وه‌ ..
 
تۆ سه‌داو ئاوازێکی زوڵالی
نه‌سیمی ئاشتی بوویت
هه‌رچی گه‌رد و غوباری رقوکین بوو
به‌ئاوازی پێکه‌وه‌ زیان سریته‌وه‌
 
تۆ شنه‌ی گولی داد گه‌ری بوویت
بژاری  دڕکی کۆیلایه‌تیت کرد و
به‌رامه‌ی یه‌کسانی مرۆفایه‌تیت  بلاو کرده‌وه‌
 
تۆ شینای ئاسمانی به‌رین بووی
هه‌رچی مه‌زرای سیس بووی
هه‌ژارانه‌،شینت کرد به‌نه‌مامی به‌خشین و هاوکاری
 
تۆ شه‌پۆلی هیمنی ده‌رییایه‌ک بووی
هه‌رچی که‌شتی گیر خواردووی
ناو ره‌هیله‌و رۆخی ده‌رییاکانه‌
خسته‌ که‌ناری پڕسکونه‌تی
ئه‌وینی ئیمان و پاراستنت
له‌فه‌نابوون .......
 
تۆ په‌له‌هه‌ورێکی سپی بووی
نه‌رم نه‌رم به‌تنۆکی بارانی
به‌رائه‌ ت وخاکی بوون
هه‌رچی قه‌بیله‌ و هۆزی جیاوازه‌
به‌تۆنی ته‌بایی ئیسلام
کردنته‌ برا
 
تۆ دیمه‌نیکی دلرفینی غرووب بوی
به‌بینینت هه‌رچی منالی بینازه‌
له‌ژێرڕ شمالی ،نه‌داری و بینازیدا
هاتنه‌ ده‌رو به‌ ئومیدی
بینینی تریفه‌ی مانگ
ده‌ستیان به‌ژینیکی نوی کرد بۆخۆیان
 
تۆ ئه‌ستێره‌یه‌کی پرشنگ داری
هه‌تا ئه‌به‌د ،په‌یامت بریسکه‌ی دی
هه‌رچی روناکی دونیاییه‌
ناتوانیت به‌ر له‌جلیوه‌ی تیشکیکت بگری
 هه‌رچی تاریکی  و نه‌زانیی دونیایه‌
ناتوانیت رۆشنای په‌یامی جوانت خامۆشبکا
 
تۆ نه‌رمه‌بایه‌کی فینکی شه‌و بیدارانی
هه‌رچی رۆحه‌ له‌دووی نه‌فه‌سێکی
ڕیگاکه‌ت وێڵن ،تا رۆح و دڵییان
به‌هه‌ناسه‌ی به‌رنامه‌که‌ت پرکه‌ن
له‌سکونه‌ت و سرورو خۆشنودى
به‌نه‌رمه‌بای په‌یامه‌که‌ت ..!