ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ به‌ڵێ‌.. به‌م شێوه‌ قورئان وه‌چه‌و هه‌ڵگرانی فێركرد، كه‌ قوربانیدان كرۆكی ئیمانه‌و، به‌ره‌نگاربوونه‌وه‌ی ده‌ستدرێژییه‌ سته‌مكاره‌كان به‌ خۆڕاگری و ئارامگرتن و به‌رده‌وامی.. چاكترین و جوانترین باشیه‌كانی ئیمان

پێكده‌هێنێن...ئا لێره‌وه‌ ئه‌م ئیمانه‌ی خوای گه‌وره‌ یاساكانی داده‌ڕێژێت و، ره‌گ و ریشه‌ی داده‌كوتێت و، نمونه‌كانی ده‌خاته‌ روو، پێویست ده‌كات كه‌ پشتیوانی بوونی به‌ قوربانیدان بكرێت و به‌ خوێنه‌كه‌ی ده‌روونی خۆی پاكژ بكات و، بۆ ئه‌م چالاكییه‌ زۆر به‌رزه‌ كۆمه‌ڵێك له‌ نه‌وه‌و لایه‌نگران و پیاوچاكانی هه‌ڵبژێرێت ببنه‌ پێشه‌نگێكی گه‌شاوه‌و، نمونه‌یه‌كی به‌رز بۆ ئه‌و بڕوادارانه‌ی به‌ره‌و لای دێن.(سومه‌ییه‌) و.. (یاسر) و... (عه‌ممار)یش له‌و كۆمه‌ڵه‌ پیرۆزه‌ مه‌زنه‌ بوون كه‌ قه‌ده‌ره‌كانی ئیسلام هه‌ڵیبژاردن تا قوربانیدان و خۆڕاگری و سووربوونیان ببێته‌ بڕوانامه‌ی مه‌زنێتی و چاویدانیان..