ماڵپەری قورئانی پیرۆز

لە دیمەنی یەكەم دا/ فیرعەون پیلان لە موسا دەگێڕێت، یان دەیەوێت بیكوژێت.

لە دیمەنی دووەم دا/ پیاوە ئیماندارەكە دەردەكەوێت‌و بەرگریی لە موسا دەكات‌و، لە دواندنی جەماوەرەكەش دا سەركەوتووە.

لە دیمەنی سێیەم دا/ فیرعەون جەماوەرەكە بەخۆیەوە خەریك دەكات‌و سەرنجیان بەلای هێز‌و توانا‌و گەورەیی خۆی دا ڕادەكێشێت تاكو بەدەم بانگەوازی پیاوە ئیماندارەكەوە نەچن.

لە دیمەنی چوارەم دا/ پیاوە ئیماندارەكە جەماوەر بانگ دەكات بۆ شوێن كەوتنی خۆی.

لە كۆتاییدا/ پیاوە ئیماندارەكە گەلەكەی بەجێ دەهێڵێت‌و كار‌و بار هەر بەخودا دەسپێرێت.

ئایەتەكانیش بەم جۆرە بەسەر دیمەنەكان دا دابەش كراون:-

دیمەنی یەكەم: ئایەتەكانی (23-27)ی تایبەت بە چیرۆكەكەی بەركەوتووە.

دیمەنی دووەم: ئایەتەكانی (28-35)ی تایبەت بە چیرۆكەكەی بەركەوتووە.

دیمەنی سێیەم: ئایەتەكانی (36-37)ی چیرۆكەكەی بەركەوتووە.

دیمەنی چوارەم: ئایەتەكانی (38-43)ی چیرۆكەكەی بەركەوتووە.

كۆتایییەكەش: ئایەتەكانی (44-46)ی بەركەوتووە.

دیارە هەر دیمەنێكیش بە هێزێك‌و گیانێكی زیندوو‌و بەوێناندن‌و كاریگەریییەوە چەندین (لقگە)یان لە خۆ گرتووە‌و چەند كەس‌و ڕووداوێكیش پیشان دەدەن‌و چەند هەڵوێستە‌و بزاوتێكیش دەردەخەن‌و، چەندین ڕاستی‌و ئاماژەشمان پێشكەش دەكەن، ڕوانینی ئێمەش بۆ ئەو لەقتە‌و چركە سات‌و دیمەنانە ڕوانینێكی شیكاریانە‌و بابەتیانەیە بەمەبەستی تۆمار كردنی ڕێنمایییە باوەڕدارێتی‌و بانگەواز كاری‌و حەرەكەت خوازییەكانیان، بەڵام بەڕادەیەكی كەم پەل دەهاوێن بۆ ڕواڵەتە هونەری‌و بەدیار خەرەكانی‌و بۆ شێوازە ڕەوانبێژییەكەی، چونكە ئێمە نیازمان لەوەدا بەند ناكەین، خوداش پشتیوانمانە لەمەدا.