سەرەکیەکان

ئاماری ماڵپەر





ته‌فسیری ئاسان دابه‌زێنه‌


خوێندنەوەو تەفسیری قورئانی پیرۆز

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
-  بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

سەرەتا

ئامڕازەكانی زۆر داران لەبەرەو ڕووبوونەوەی هەق دا ..چيرۆكه‌ قورئانيه‌كان

ئامڕازەكانی زۆر داران لەبەرەو ڕووبوونەوەی هەق دا ..چيرۆكه‌ قورئانيه‌كان

نووسينى /دزصلاح عبدالفتاح الخالدى /نووسينگه‌ى ته‌فسير///موسا بە ڕێبازێكی هەق لەلای خوداوە چوو بۆ لای فیرعەون‌و گەلەكەی‌و، ئەو بەڵگە‌و نیشانە رۆشن‌و موعجیزانەشی بۆ خستنە ڕوو كە دەلالەتیان لە ڕاستی ی پێغەمبەرێتییەكەی دەكرد،

بەڵام ئەوان لە جیاتی ئەوەی شوێنی بكەون‌و ئاینەكەی وەربگرن، بەدرۆیان خستەوە‌و، بە سیحر‌و درۆ خەتاباریان كرد‌و گوتیان (ساحر كذاب)، جا خۆزگە هەر تەنها بە باوەڕ پێ نەهێنان‌و بە درۆخستنەوەی وازیان لێ بهێنایە (هەر چەندە ئەمەش هەڵوێستێكی ناشیرین‌و تاوانێكی زێوە)، بەڵكو چوونە سەر قوناغێكی دی كە لە كفرێكی سەر سەختانە‌و ستەمی زۆر‌و شێواندنی تەواو دا خۆی دەنواند، بە حیقد‌و ڕق‌و كینەوە دژایەتییان دەكرد، لەم دژایەتییەش دا ئامڕازێكی گەندەڵیان بەكارهێنابوو كە لەگەڵ هیچ داب‌و نەریت‌و یاسا‌و ئاكارێك دا نەدەگونجا، ئەوە بوو ئازاری كەس‌و كار‌و شوێنكەوتوانیان دەدان‌و دەیانگوت (كوڕانی ئیمانداران بكوژن‌و كچ‌و ژنەكانیان بهێڵنەوە)..

بەكارهێنانی ئامڕازێكی ئاوا لە دژایەتی‌و ململانێدا بەڵگەیە لەسەر ئەوەی چەند ڕق‌و كینە‌و پیلان‌و تۆڵە لە دڵیان دا هەیە‌و چەندە ئەو دڵە سارد‌و سڕانەیانی پڕ كردووە‌و هەموو مانایەكی سۆز‌و چاكە‌و خێر‌و بەزەیی‌و مرۆڤایەتی لێ دەرهێناون. بۆچی كوڕانیان دەكوشت‌و ئافرەتەكانیان دەهێشتەوە؟!
بۆیە وایان دەكرد تاكو ببنە كۆسپی بەردەم ڕێگای بانگەواز‌و نەهێڵن لە نێو كەسانی تردا بڵاو ببێتەوە، چونكە كەسانی تر بەر لەوەی بەدەم بانگەوازەكەوە بێن، بیرێكی قووڵ دەكەنەوە لەوەی بەهۆی باوەڕهێنانەوە چییان بەسەر دێت‌و ئیدی ترسیان لەسەر كوڕ‌و ئافرەتەكانیان دەبێت كە بكەونە دەست حاكمەكان.
هەروەها بۆیە ئەم ڕەفتارەیان دەنواند تاكو فشارێكی ئازار بخەنە سەر باوەڕداران‌و لەو ئاقارەشەوە فشارەكەیان لەسەر بێت كە زیاد لە هەر ئاقارێكی دی ئازاریان دەدات‌و، واش گومان بەرن گوایە ئەمە خاڵێكی لاوازی دەبێت بۆیان‌و وایشیان لێ دەكات واز لە بانگەواز‌و بانگەوازكاران بێنن.. ئەمەش ئاقاری ئازاردانی خێزان‌و خانەوادە‌و كوڕان وكچەكانە.. خۆ بەڕاستی خاڵێكی لاوازیشە‌و فشار دانان لەم ئاقارەوە هێجگار بە ئازارە‌و دیارە وا لە كەسانێك دەكات كە بە فیعلی‌و بە كردەوە واز لە حەق بێنن.
بەڵام ئەم ڕەوتەیان بۆ دژایەتیی چەند كەسێكی بێ تاوان‌و بێ دەسەڵات كە منداڵانی كوڕ‌و ئافرەتانن خۆی لە خۆیدا ستەم‌و دەستدرێژیە لەو ستەمكارانەوە، چونكە ئەو بێ تاوانانە بە تۆمەتێك سزا دەدەن كە ئەنجامیان نەداوە، هەروەها ئەم ڕەوتە نائینسانییە ڕق‌وكینە‌و پیلان‌و زەبر‌و زەنگێكی زۆریشی لەخۆ گرتووە چونكە كوشتاری چەند منداڵێكی بچووك‌و لاواز دەكەن كە هیچ وزە‌و توانایەكیان لە جەنگدا نیە‌و ناشتوانن خۆیان بۆی ئامادە بكەن، جا وەك پێشتر گوتمان ئەم شێوازە لەگشت مانایەكی ڕەحمەت‌و مرۆڤایەتی دابڕاوە‌و لەگەڵ هیچ عورف‌و حەقێكیان لەگەڵ هیچ بنەما‌و یاسایەكدا ناگونجێت.. بەڵام ئاخر كەی‌و چ كاتێك ئەوانەی لەسەر ناهەق‌و (باطل)ن، بە یاسا‌و بنەماكانەوە پابەندن لە كاری دژایەتیی هەق‌و شوێنكەوتوانیدا.
ماوەتەوە بڵێین: بێگومان ئامڕازی  تەنها فیرعەون‌و گەلەكەی بەكاریان نەهێناوە‌و هەر تاكە ئامڕازی تایبەتیی ئەوان نەبووە، بەڵكو ئامڕازێكی هەمیشەیی‌و درێژكراوەی چاخ لە دوای چاخی شوێنكەوتوانی نا هەقە، كە بە كاری دەهێنن لە ڕووبەڕووبوونەوەی شوێنكەوتوانی هەق دا.. بەڕاستی مێژوو ئاگادارە‌و چەندین نموونەی توند‌و ئازار بەخشی لە كۆن‌و نوێدا لەسەر ئەم ئامڕازە شەیتانییە كینە بەرانەیە لە لاپەڕەی یاداوەرییەكانیدا تۆمار كردووە.
هەموو مافەکانی پارێزراون بۆ ماڵپەری قورئانی پیرۆز