ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کان له‌کاتى ده‌ست به‌ئاو گه‌یاندندا .. (٤) خۆ حه‌شار نه‌دان له‌کاتى ده‌ست به‌ئاو گه‌یاندندا:
وه‌رگێڕانى : ناصح ئیبراهیم سازانى / ئه‌مه‌ش یه‌کێکى تره له به‌لآکان.. که‌سانێکى زۆر هه‌ن به به‌رچاوى خه‌ڵکه‌وه ده‌ست به‌ئاو ده‌گه‌یه‌نن, به شێوه‌یه‌ک
که خه‌ڵک عه‌وره‌تیان ده‌بینێ.. (ولا حول ولا قوة إلا بالله).له‌کاتێکدا که پێغه‌مبه‌ى خوا (صلى الله علیه وسلم) ئه‌م کاره‌ى قه‌ده‌غه‌کردووه ده‌فه‌رموێت: (لاَ يَنْظُرُ الرَّجُلُ إِلَى عَوْرَةِ الرَّجُلِ، وَلاَ المَرْأَةُ إِلَى عَوْرَةِ المَرْأَةِ..) . واته: پیاو نابێت ته‌ماشاى عه‌وره‌تى پیاو بکات, هه‌روه‌ها ئافره‌تیش نابێت ته‌ماشاى عه‌وره‌تى ئافره‌ت بکات.بێگومان ئه‌و که‌سه‌ى له‌به‌ر چاوى خه‌ڵک ده‌ست به‌ئاو بگه‌یه‌نێ ده‌بێته هۆی ئه‌وه‌ى تووشی گوناهیان بکات, به‌وه‌ى که ته‌ماشاى عه‌وره‌تى ده‌که‌ن -بێگومان هه‌ردوو لایان وه‌ک یه‌ک گوناهبار ده‌بن.پێغه‌مبه‌رى خۆشه‌ویست (صلى الله علیه وسلم) ره‌وشتى وه‌هابووه له‌کاتى ده‌ست به‌ئاو گه‌یاندندا له‌به‌ر چاوى خه‌ڵک ئه‌وه‌نده دوور ده‌که‌وته‌وه هه‌تا که‌س گوێی له ده‌نگ نه‌بێ و بۆنى ناخۆش نه‌کات. له (جابر)ه‌وه (ره‌زاى خواى لێ بێ) هاتووه ده‌فه‌رموێت: (خرَجْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي سَفَرٍ وَكَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَأْتِي الْبَرَازَ حَتَّى يَتَغَيَّبَ فَلَا يُرَى) . واته: له‌گه‌ڵ پێغه‌مبه‌ى خوادا (صلى الله علیه وسلم) ده‌رچووین بۆ سه‌فه‌رێک, پێغه‌مبه‌ر (صلى الله علیه وسلم) هه‌رگیز ده‌ستى به‌ئاو نه‌ده‌گه‌یاند هه‌تا ته‌واو وون ده‌بوو که‌س نه‌یده‌بینى. (عبدالله کوڕى جه‌عفه‌ر) که نازناوى (ئه‌بو جه‌عفه‌ر)ه (ره‌زاى خوایان لێ بێ) فه‌رمووى: (وَكَانَ أحَبَّ مَا اسْتَتَرَ بِهِ رسولُ الله صلى الله عليه وسلم لِحاجَتِهِ هَدَفٌ أَوْ حَائِشُ نَخْلٍ. يَعنِي: حَائِطَ نَخْلٍ) . واته: باشترین شتێک که پێغه‌مبه‌رى خوا (صلى الله علیه وسلم) خۆی له په‌نادا حه‌شار بدایه له کاتى ده‌ست به‌ئاو گه‌یاندندا بارستایی و به‌رزایی و شوره‌ى باخه خورما بوو. پێشه‌وا (شه‌وکانى) ده‌ڵێت: ئه‌م فه‌رموده به‌ڵگه‌یه له‌سه‌ر ره‌وایی خۆ حه‌شاردان بۆ که‌سێک بیه‌وێت ده‌ست به‌ئاو بگه‌یه‌نێ هه‌تا که‌س له‌سه‌ر ئه‌و حاڵه‌ته نه‌یبینێ .