ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
خه ڵکان چۆن ده چنه ناو به هه شت ؟ له ساحه‌ى مه‌حشه‌ر ئایا چ جۆره به‌رگێک ده‌پۆشن؟
ئاماده‌کردنى : سانا شێرزاد....خواى گه‌وره له ڕۆژى قیامه‌ت دا خه ڵکان به ڕووت و قوتى زیندوو ده‌کاته‌وه وه‌کو پێغه مبه‌ر (صلي الله عليه وسلم) ده فه‌رموێت : (( يحشر الناس يوم القيامة حفاة عراة غرلا... )). واته : خه ڵکان له ڕۆژى قیامه‌تدا پێ په‌تین و به ڕووت وقوتى کۆ ده‌کرێنه‌وه .... وه یه‌که‌م که‌س که خواى گه‌وره پۆشاکى به به‌ردا ده‌کات , خۆشه‌ویستى خوا ئیبراهیمه (عليه السلام ). له ئیبن و عه‌باسه‌وه (رضي الله عنه) ده‌گێڕنه‌وه که پێغه مبه‌ر (صلى الله عليه وسلم) فه‌رموویه‌تى : (( إنًّ أول الخلائق يكسى يوم القيامة ابراهيم خليل الله )). واته : یه‌که‌م که‌سێک که له قیامه‌ت دا پۆشاکى به به‌ردا ده‌کرێت خۆشه‌ویستى خوا ئیبراهیمه. وه خواى گه‌وره پۆشاکێکى سپى قیبتى به به‌ردا ده‌کات . له ئیمامى عه‌لى یه‌وه (رضي الله عنه) ده‌گێڕنه‌وه که پێغه مبه‌ر (صلى الله عليه وسلم) فه‌رموویه‌تى : (( اول من يكسى ابراهيم قبطيتين )). واته : یه‌که‌م که‌س که پۆشاکى به به‌ردا ده‌کرێت ئیبراهیمه پۆشاکێکى سپى قیبتى به به‌ردا ده‌کرێت .
ئینجا خواى گه‌وره پێغه‌مبه‌ر (صلى الله عليه وسلم) پۆشته ده‌کات . له که‌عبى کوڕى مالیکه‌وه (رضي الله عنه) ده‌گێڕنه‌وه که پێغه مبه‌ر(صلى الله عليه وسلم) فه‌رموویه‌تى : (( يبعث الناس يوم القيامة فاكون انا وامتي على تل فيكسوني ربي حلة خضراء ...)). واته : خواى گه‌وره له ڕۆژى قیامه‌ت دا خه‌ڵکان زیندوو ده‌کاته‌وه له‌وێ من و ئومه‌ته‌که‌م له سه‌ر گردۆڵکه یه‌کین وه پۆشاکێکى سه‌وزم به به‌ردا ده‌کات ....
له ڕیوایه تێکى تردا : ((... حمراء ...)) واته : پۆشاکێکى سورم به به‌ردا ده‌کات ..., وه له‌و موسوڵمانانه‌ى که پۆشاکى ئیمانیان به به‌ردا ده‌کرێت وه‌کو له‌م فه‌رمووده یه‌دا هاتووه : پێغه‌مبه ر (صلى الله عليه وسلم) ده‌فه‌رموێت : (( من ترك اللباس تواضعا لله وهو يقدر عليه دعاه الله يوم القيامة حتى يخيره من أي حلل الايمان شاء يلبسها )). واته : هه‌ر که‌سێک واز له جل وبه‌رگى گران به‌ها بهێنێت له به‌ر خۆ به‌که‌م زانین بۆ خواى گه‌وره , ئه‌و که‌سه خواى گه‌وره بانگى ده‌کات له ڕۆژى کۆتایدا و سه‌ر پشکى ده‌کات له هه‌ڵبژاردنى کام به‌رگ و پۆشاکى ئیمان که خۆى ویستى لێیه‌تى تا له به‌رى بکات . وه ئیمامى تورمزى له سوننه که‌یدا ده‌فه‌رموێت : (( يعني مايعطى اهل الايمان من حلل الجنة ))(47). واته : له وانه‌ى که ده‌به‌خشرێت به باوه‌ڕداران له پۆشاکى ئه‌هلى به هه‌شت . وه هه‌ندێ له بڕواداران پۆشاکى ڕێزیان به به‌ردا ده‌کرێت وه‌کو پێغه مبه‌ر (صلى الله عليه وسلم) ده‌فه‌رموێت : ((... ما من مؤمن يعزى اخاه بمصيبة الا كساه الله سبحانه من حلل الكرامة يوم القيامة )). واته : هه‌ر باوه‌ڕدارێک دڵنه‌وایى برایه‌کى موسوڵمانى بداته‌وه له ناخۆشیه‌کدا ئه‌وا به دڵنیایى خواى گه‌وره پۆشاکى ڕێزى به به‌ردا ده‌کات له ڕۆژى قیامه‌ت دا . له ڕیوایه تێکى تردا : (( حلة خضراء يُحبًّرُ بها )). واته :... پۆشاکێکى سه‌وزى به به‌ردا ده‌کرێت و ده‌کرێته خه‌لآتى .