ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
جه‌سته‌ى ئه‌سپ
ئاماده‌كردنى /سه‌روه‌ر حه‌سه‌ن
مافى له‌چاپدانه‌وه‌ى پارێزراوه بۆ: نوسينگه‌ي ته‌فسير
له‌م دوادواییانه‌دا زانستى نوىَ دووپاتیكرده‌وه: له‌پێناو هه‌ڵبژاردنى چاكێتى و ڕه‌سه‌نێتى ئه‌سپ، پێویسته پشكنینى ڕواڵه‌تیى بۆ بكرێت، كۆڵه‌كه‌ى ئه‌و پشكنینه‌ش ئه‌وه‌یه ئه‌سپه‌كه ناچاربكرێت تا ماوه‌یه‌ك غاربدات و له‌كاتى ڕاكردن و غارغارێنیدا چاودێری بكرێت.ئه‌م كاره بۆ زانینى سه‌لامه‌تى ئه‌ندامه‌كانى جه‌سته‌ى ئه‌سپه‌كه به‌سووده، وێڕاى پىَ و قاچه‌كانى و هه‌مئاهه‌نگییان له‌گه‌ڵ به‌شه‌كانى ترى له‌شیدا. له‌پاش غارغارێن و ڕاكردنه‌كه لێدانى دڵى ئه‌سپه‌كه ده‌گیرێت له‌گه‌ڵ پشكنینى لاقه‌كانى، ئه‌وه‌ش به مه‌به‌ستى زانینى ڕاده‌ى توانایى بۆ ڕێ ڕۆیشتن و ڕاكردن و غاردان.
هه‌ر ئه‌وه‌یه كه قورئانى پیرۆز له چیرۆكى سوله‌یمان پێغه‌مبه‌ردا (سه‌لامى خواى لێبێت) ئاماژه‌ى پێداوه. سوله‌یمان پێغه‌مبه‌ر پشكنینى بۆ ئه‌و ئه‌سپانه كرد كه بۆ یه‌كه‌مین جار پێشانى دران، ئه‌و فه‌رمانى كرد ناچارى ڕاكردن و ڕێ ڕۆیشتن بكرێن تا دوورترین دوورى، له‌دواى له‌چاو ونبوونیان داواى كرد یه‌كسه‌ر بۆ هه‌مان جێگا بگێڕدرێنه‌وه.دواى ئه‌وه‌ى ئه‌سپه‌كان گه‌یشتنه‌وه جىَ، پشكنینى خوێنبه‌ره‌كانیانى كرد بۆ زانینى لێدانى دڵیان، پاشان ڕوانییه لاقه‌كان و پێیه‌كان تاكو له‌دواى ئه‌و جوڵه زۆره‌یانه‌وه حاڵ و كاریگه‌ربوونیان بزانێت. ئه‌و زانیارییانه له‌م ئایه‌ته پیرۆزانه‌دا ڕوون و ئاشكران، خواى گه‌وره ده‌فه‌رموێت:{إِذْ عُڕضَ عَلَيْهِ بِالْعَشِيِّ الصَّافِنَاتُ الْجِيَادُ (31) فَقَالَ إِنِّي أَحْبَبْتُ حُبَّ الْخَيْڕ عَنْ ذِكْڕ رَبِّي حَتَّى تَوَارَتْ بِالْحِجَابِ (32) رُدُّوهَا عَلَيَّ فَطَفِقَ مَسْحًا بِالسُّوقِ وَالْأَعْنَاقِ (33)} [ص] واته: كاتێك ده‌مه‌وئێواره ئه‌و ئه‌سپه چاكانه‌ى بۆ غه‌زا ئاماده‌كرابوون هێنانیان و له‌پێش چاویدا نمایشكران. ئینجا وتى: من هه‌میشه حه‌ز له‌مجۆره كارانه ده‌كه‌م و گرنگیدان به‌م ئه‌سپانه به‌خێر ده‌زانم، له‌گه‌ڵ ئه‌وه‌شدا نابێت ببنه‌هۆى ئه‌وه‌ى له یادى په‌روه‌ردگارم بێئاگام بكه‌ن و یادى فه‌رامۆش بكه‌م، ئه‌سپه‌كان غاریان كرد تا له‌چاو ونبوون. له‌وه‌ودوا سوله‌یمان فه‌رمانیدا بیانگێڕنه‌وه و كه گه‌ڕانه‌وه بۆلاى ده‌ستى به ڕان و ملیاندا ده‌هێنا.