ماڵپەری قورئانی پیرۆز

بێگومان (موسا) پەنای بردۆتە بەر خودای خۆی‌و پشتی پێ بەستووە‌و جڵەوی كاروباری پێ سپاردووە، چونكە زانیویەتی كە هەر خودا خۆی پشت‌و پەنا‌و پارێزەر‌و لە خۆگریەتی‌و، هەر خوداش داڵدە‌و پەنای دەدات‌و فریای دەكەوێت‌و لە فروفێڵ‌و دەسدرێژی فیرعەون رزگاری دەكات.

جا پێویستە ئەم هەڵوێستە ئیماندارانە گەورەیەی موسا-سڵاوی لێبێت- ببێتە نموونەیەكی پەیڕەوكراوی هەر بانگەوازكارێك كە ڕووبەڕووی فڕوفێڵا‌و ڕق‌و كینەی ستەمكاران دەبێتەوە، چونكە جگە لە خودا كەسی تری نییە‌و بەهیچ شتێكیش ڕزگاری نابێت تەنها بە پەنا بردنە بەر خودا‌و خۆ خستنە ژێر سایەی پارێزگارێتیی خوداوە.. ئەمەش ڕاستی‌و بنج‌و بناوانی ئیمان‌و مەرجیشیەتی.

خۆ ئەگەر مرۆڤی بانگەواز كار وانەكات‌و پەنا بەرێتە بەر خەڵكی لاواز‌و بێ دەسەڵات، ئەوا بەمە كەم‌وكوڕیی دەخاتە باوەڕەكەیەوە‌و، عەقیدەشی دەڕوشێنێت، پاشان بەم پەنا بردنە بەر مرۆڤە لاوازانەش چارەسەرێكیان لـێ‌ دەسگیر ناكات‌و ڕزگاری‌و سەر فرازیشیان لێ وەرناگرێت، جا هەر بانگەوازكارێك وتەكەی موسا بڵێتەوە: (إنی عژت بربی وربكم) ئەوا لە چەند حەقیقەتێكی زیندووی ژیاندا دەژی