ماڵپەری قورئانی پیرۆز

بەڵێ‌... ئەو ئاژەڵەی كە لێ‌ دەدرێت توشی مرداربوونەوەیەكی هێواش دەبێت بەتەواوی وەك خنكاو، بۆیە هەمان ئەو حاڵەتەی بەسەر ئاژەڵە خنكاوەكەدا دێت توشی ئەمیش دەبێت.

زیاد لەوەش لێدان دەبێتەهۆی شێواندن و پەرتكردنی بۆرییەكانی خوێن لە شوێنی لێدانەكەدا، هەروەها خانەكانیش پەرت و پارچە دەكات و بەمەش پێكهاتەی خوێن و خانەكان تێكەڵ دەبن و كارلێك لەنێوان ماددە ژەهراوییە زیانبەخشەكاندا ڕوودەدات. لەبەرئەوە لە شوێنی پیاكێشانەكەدا تێبینی ئاوسان (تورم) دەكرێت، ئەمەش هۆكاری ئەو كارلێكە كیمیاییە زیانبەخشانەیە كە دەبنە دروستكەری ماددەی ژەهراوی لەگەڵ قڵیشان و داماڵینی پێستی ئاژەڵەكە بەهۆی لێدانەكەوە. بەمجۆرە ئەو ئاژەڵەی بە لێدان مرداردەبێتەوە دەبێتە كانگایەك بۆ میكرۆبی زیانبەخش و بۆ تەندروستی مرۆڤیش جێی مەترسی دەبێت.