ماڵپەری قورئانی پیرۆز

ئه‌ندازیار عوسمان.......[والذين كذبوا باياتنا صم وبكم في الظلمات ، من يشأ الله يُضلله ومن يشأ يجعله على صراط مستقيم ] (الانعام : 39) . قورئانى پیرۆز لێره‌دا باسى حاڵى کافره‌کان ده‌کات و ده‌فه‌رموێت : ئه‌وانه‌ى که‌ بڕوایان نیه‌ به‌ نیشانه‌ و به‌ڵگه‌ ئاشکراکانى ئێمه‌ و به‌درۆیان داده‌نێن ، ئه‌وانه‌ که‌ڕن و نابیستن ، وه‌لاڵن له‌ئاستى هه‌ق و راستى دا و دانى پیانانێن … نه‌ک هه‌ر ئه‌وه‌نده‌ به‌ڵکو وان له‌ ناو تاریکایى یه‌کاندا … ڕه‌نگه‌ مرۆڤێکى که‌ڕولاڵ له‌ڕووناکى دا ڕووبه‌ڕووى دانیشى شتێکى تێ بگه‌یه‌نى به‌ئیشاره‌ت و شتێک حاڵى ببێ ، به‌ڵام ئه‌و سپاچاره‌ گومڕایانه‌ که‌ڕ و لاڵى ناو تاریکایى یه‌کانن … هه‌رکه‌س خوا بیه‌وێ گومڕاى ده‌کات ، وه‌ هه‌رکه‌سیشى بوێت ده‌یخاته‌ سه‌ر رێ ى راست ، کار به‌ده‌ست و به‌دیهێنه‌ر ته‌نها خوایه‌ ، له‌هه‌مان کاتدا به‌نده‌ خاوه‌نى هه‌ڵبژاردن و (اختيار)ه‌ به‌پێ ى ئه‌و هه‌ڵبژاردن و سه‌رپشک بوونه‌ له‌گرتنه‌ رێى چاک یان خراپدا به‌رپرسیار ده‌بێت و پاداشتى ده‌درێته‌وه‌ .
له‌ئایه‌تێکى تردا ده‌فه‌رموێت [ انك لا تُسْمع الموتى ولا تُسمع الصم الدعاء اذا ولوا مدبرين ] (النمل : 80) واته‌ : تۆ ئه‌ى (محمد)  ناتوانى مردووان تێ بگه‌یه‌نى و ناتوانى که‌سێکى (كةڕ) تێ بگه‌یه‌نى که‌پشتت تێ بکا و به‌هه‌موو هێزیه‌وه‌ رابکات ..