ماڵپەری قورئانی پیرۆز

یەكەم: خۆ بەزل گرتن ئەو هۆیەیە، كە پاڵا بەوستەمكارانەوە دەنێت بۆ ئەنجامدانی تاوانەكان‌و كاری خراپە‌و شێواندن لەژیاندا، هەر ئەوهۆیەشە ڕێ‌ی تەنازول‌و وازهێنان لە دەسكەوتە حەرامە بەدەستهێنراوەكانیان لێ دەگرێت‌و، ناهێڵێت دەست لەو ڕواڵەتە پووچەڵا‌و بەتاڵانەش هەڵگرن، كە چوار دەوری دەروونەكانیانی داون.. بەڕاستی (خۆ بەزل گرتن) بەربەستێكە بۆ ئەوان، كە ناهێڵێت مل بەهەق بدەن‌و دانی پێدا بنێن‌و پەیڕەویی بانگخوازانی بكەن.

جا بێگومان هیچ كەسێك هەق ڕەت ناكاتەوە، تەنها كەسێكی لووتبەرز‌و خۆ بەزل زان نەبێت، هەر ئەم كەسەش بەربەرەكانی ودژایەتی شوێنكەوتوانی هەق دەكات.

دووەم: باوەڕنەهێنان بەڕۆژی حساب لەگەڵا كردن‌و لێپرسینەوە، چونكە دەسەڵاتداری لە ستەمدا رۆچوو (الطاغیە) لەو بڕوایەدایە كەژیانی دنیای هەموو شتێكە بۆ ئەو، بیروڕاشی وایە كە هێزی خۆی هەر دەمێنێت‌و دەسەڵاتەكەشی هەربەدەوام دەبێت، خۆ ئەگەر ئەو باوەڕ بەرۆژی قیامەت بێنێت‌و لە حساب‌و چەندو چوونی رۆژی حساب بترسێت، ئەوا بێگومان واز لە ستەم‌و زۆرداریی یەكەی دێنێت.

 كەوابوو هۆكاری تاوانەكان‌و لەهەق لادان باوەڕنەهێنانە بەڕۆژی لێپرسینەوە.. زمانەی دڵنیایی (صمام الامان) ی مرۆڤ‌و بنچینەی چاكردنی ژیانیش باوەڕهێنانە بەرۆژی لێپرسینەوە، ئەم باوەڕەش زامنی راگرتنی ستەمكارە لە ئاست ستەمەكەی دا‌و زامنی مل بەهەق دان‌و خۆبەهەق سپاردنیشیەتی.