ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سه‌رپێچیه‌کان له‌کاتى ده‌ست به‌ئاو گه‌یاندندا .. (٦) رووکردنه قیبله له‌کاتى ده‌ست به‌ئاو گه‌یاندندا:
وه‌رگێڕانى : ناصح ئیبراهیم سازانى / ئه‌م کاره‌ش دروست نیه.. به‌ڵگه‌ش له‌سه‌ر ئه‌مه زۆره, به‌لآم ته‌نها ئه‌م فه‌رموده به‌سه..
له ئه‌بو ئه‌یوبه‌وه (ره‌زاى خواى لێ بێ) هاتووه ده‌فه‌رموێت: پێغه‌مبه‌رى (خوا صلى الله علیه وسلم) فه‌رمویه‌تى: (إِذَا أَتَيْتُمْ الْغَائِطَ فَلَا تَسْتَقْبِلُوا الْقِبْلَةَ وَلَا تَسْتَدْبِرُوهَا بِبَوْلٍ وَلَا غَائِطٍ وَلَكِنْ شَرِّقُوا أَوْ غَرِّبُوا) . واته: ئه‌گه‌ر ده‌ستتان به‌ئاو گه‌یاند نه ڕوو له قیبله بکه‌ن و نه پشتیشی تێ بکه‌ن, به‌ڵکو روو له رۆژهه‌لآت بکه‌ن یان رۆژئاوا. جا (ئه‌بو ئه‌یوب) ده‌یفه‌رموو: کاتێک که هاتینه شام بینیمان ئاوده‌سته‌کان به‌ره‌و ڕووى قیبله دروستکراون, جا ئێمه‌ش لار ده‌بووینه‌وه‌و دواى لێ بوردنمان له خواى گه‌وره ده‌کرد.زانایان له‌مه‌دا رایان جیاوازه: به‌لآم پوخته‌ى قسه له‌و باره‌وه که دڵ بیگرێ ئه‌مه‌یه:(ئیبن عه‌ره‌بی) ده‌ڵێ: هه‌ڵبژارده‌ى ئه‌مه -خوا سه‌رکه‌وتوومان بکات و پشتیوان بێت- ئه‌وه‌یه دروست نیه پشت کردنه قیبله و روو تێ کردنى جا چ له بیاباندا بێت یان له‌ناو ماڵدا, چونکه ئه‌گه‌ر سه‌رنجى ماناکه‌ى بده‌ین بۆمان ده‌رده‌که‌وێت حه‌رامیه‌که‌ى له‌به‌ر قیبله‌یه, ئیتر جیاوازى نیه له بیاباندا بێت یان له‌ناو خانوبه‌ره‌دا, فه‌رموده‌که‌ى (ئه‌بو ئه‌یوب)یش گشتیه بۆ هه‌موو شوێنێ, عیلله‌تى حه‌رامیه‌که‌ى له‌به‌ر قیبله‌یه, فه‌رموده‌که‌ى (ئیبن عومه‌ر) و فه‌رموده‌که‌ى (جابر) دژى فه‌رموده‌که‌ى (ئه‌بو ئه‌یوب) نین له‌م چوار رووه‌وه: