ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌شی چواره‌م (ئیعجازی ژماره‌یی)
نووسینی /ئیكرام كه‌ریم
ئاماده‌كرنی /نه‌جات رواندزی
ئیعجازی ژماره‌یی واته : ئه‌م قورئانه هه‌موو پیت و ووشه‌ه‌و ئایات و سوره‌تێكی به‌مه‌به‌ست و به حیساب دانراوه و جێگۆركێ پێكردنی سوۆه‌تێك یان ئایه‌تێك یان ووشه‌یه‌ك یان ته‌نانه‌ت (پیتێك) لاره‌سه‌نگی له‌و شوێنه‌دا دروست ئه‌كات و خێرا پێی ئه‌زانرێت ، با چه‌ند نمونه‌یه‌ك باس بكه‌ین .خوای گه‌وره ئه‌فه‌رمووێت {لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَنْ يَنْصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ (25)} [الحديد]
واته : ئێمه توخمی ئاسنمان له ئاسمانه‌وه دابه‌زاندوه ، له ئاسندا سه‌ختییه‌كی زۆر هه‌یه و قازانجێكی زۆریش هه‌یه بۆ خه‌ڵكی ، بۆ ئه‌وه‌یشه كه خوای گه‌وره بزانێ كێ به په‌نهانی خواو پێغه‌مبه‌ر سه‌رئه‌خات ، خواش به هێزو به توانایه .
زاناكان ئه‌فه‌رموون
1- پاش یشكنین و ئه‌زمونێكی زۆر له‌ناو كارگه‌كاندا بۆمان ده‌ركه‌وتووه كه توخمی ئاسن یه‌كێك نییه له‌و توخمانه‌ی كه له زه‌ویدا دروست بووبێت ، به‌لكو توخمێكی بێگانه‌یه به زه‌وی و ئه‌بێت له شوێنێكی تره‌وه هاتبێت بۆ زه‌وی ، ئه‌م قسه‌یه هی كابرایه‌كی ئه‌مریكییه له ده‌زگای (ناسا) به ناوی ( ئاستروخ) كه به‌ناوبانگترین زانایانی گه‌ردوون ناسیه له ئه‌مریكادا
2- شێخ عبدالمه‌جید ئه‌لزه‌نه‌دانی خاوه‌نی (براءة الاختراح) ی ده‌رمانی نه‌خۆشی كوشنده‌ی ئایدز ، ئه‌ڵێت: ئایا ئه‌زانن كێشی ئه‌تۆمی توخمی ئاسن بریتییه له (57) ژماره‌ی (57) یش ژماره‌ی سوره‌تی( الحدید) ه له قورئاندا! هه‌روه‌ها ئاگادارن كه ژماره‌ی ئه‌و ئایه‌ته له سوره‌تی (الحدید) دا بریتیه له ( 26) كه "بسم الله الرحمن الرحیم" یش به ئایه‌تێك حساب بكرێ ، ژماره‌ی ئه‌تۆمه‌كانی توخمی ئاسنیش برییتیه له (26) ئه‌تۆم .... ده‌ی تۆ بڵێ ئه‌مه هه‌روا به رێكه‌وت بووبێت یان خوای گه‌وره له رووی (زانیاری) و (دانایی) و (مه‌به‌ست) و (ره‌حمه‌ت)ه‌وه ئه‌و ئایه‌ته‌ی له‌و شوێنه‌یئه‌و سوره‌ته‌و ئه‌و سوره‌ته‌شی له‌و شوێنه‌ی قورئاندا دانابێت ؟!به‌ڵام زۆر كه‌س شت نازانن چی بكه‌ین،