ماڵپەری قورئانی پیرۆز

عادل شاسوارى
بۆ ئه‌وه‌ى بگۆڕێیت وخویه‌که‌ت بگۆڕێت ده‌بێت له‌ خۆت بپرسیت ئه‌و ئازاره‌ چییه‌ که‌ له‌ ئه‌نجامدانى گۆرانکارییه‌ک تووشم ده‌بیت و ئه‌و دڵخۆشیه‌ش چییه‌ که‌ دواى گۆرانکارییه‌که‌ تووشم ده‌بێت ، ئه‌م پرسیارانه‌ى خواره‌وه‌ش یامه‌تیت ده‌ده‌ن :
١-    چ شتێکم له‌ ده‌ست ده‌چێت ئه‌گه‌ر ڕه‌فتارو هه‌سته‌کانم نه‌گۆڕم؟
٢-    چ ئازارێکم پێ ده‌گات ئه‌گه‌ر بڕیارى گۆڕانکارییه‌که‌ دوا بخه‌م ؟
٣-    ئه‌و بیروبڕواو ڕه‌فتارانه‌ چ که‌ڵکێکیان هه‌بووه‌ بۆم؟
٤-    ئه‌ى چ زیانێکیان پیم گه‌یاندووه‌؟
٥-    بۆچى ده‌مه‌وێت ئه‌و شته‌ له‌ خۆمدا بگۆڕم؟
٦-    دواى ئه‌وه‌ى ده‌گۆڕیم چ کارێک ده‌که‌م ؟

٧-    کاتم چه‌ند پێویسته‌ تا له‌سه‌ر ئه‌و خووه‌ نوێیه‌م ڕادێم؟

٨-    که‌ى ده‌ست به‌و خووه‌ نوێیه‌م بکه‌م؟
٩-    کێ له‌و گۆرانکارییه‌ نوێیانه‌دا هاوکاریم ده‌کات ؟
١٠-    چۆن خۆڕاگرى خۆم بپارێزم له‌سه‌ر ئه‌م خووه‌ باشانه‌؟

به‌ ده‌نگى به‌رز بڵێ:
- من ده‌توانم هه‌ر ئێستا بگۆڕێم
- من ئێستا به‌رپرسیارێتى گۆڕانه‌که‌ى خۆم ده‌گرمه‌ ئه‌ستۆ
- هه‌ر ده‌بێ ئه‌و گۆڕانه‌ ئێستا ڕووبدات
- به‌رپرسارێتى بڕیاره‌که‌م ده‌گرمه‌ ئه‌ستۆ
- ڕووبه‌ڕووى ده‌رهاویشته‌کانى سه‌رکه‌وتنم ده‌بمه‌وه‌
- ڕووبه‌ڕووى ژیان ده‌بمه‌وه‌