ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هــامــان و قەڵاكــەی..چيرۆكه قورئانيه‌كان
نووسينى /دصلاح عبدالفتاح الخالدى /نووسينگه‌ى ته‌فسير///قورئان شەش جار ناوی (هامان)ی دیاری كردووە لە هەموو جارەكانیشدا ئەم ناوە بە فیرعەونەوە پەیوەستە ئەمەش دەلالەتە لەسەر ئەوەی كە ناوبراو لەلای
ئەوكاری كردووەو لێیەوە نزیك بووەو، راوێژكارێكی بووەو (بەجێ هێنەری فەرمان‌و رێنمایی یەكانی بووە. ئیدی لەمە زیاتر دەربارەی (هامان) نازانین‌و، جگە لەقورئان‌و فەرموودەی راست (الحدیث الصحیح) لەهیچ سەرچاوەكی ترەوە هەواڵا‌و قسەوباسی لـێ وەرناگرین.
لە چیرۆكی پیاوەباوەردارەكەی هۆزی فیرعەوندا دەبینین كە فیرعەون داوای لە- هامان-ی وەزیری كردووە كەوا قەڵایەكی بەرزی بۆ دروست كات، ئەمەش ئەو ساختمانە بڵندو بەرزەیەكە وەك –برج – وایە.
لەسوورەتی (قصص)دا خودا ئاماژەی بۆ ئەو قەڵایە كردووەو فەرموویەتی:
واتە: ((فیرعەون گوتی: (ئەی خەڵكینە من جگە لەخۆم كەسی ترشك نابەم كە شایانی ئەوەبێت خوداتان بێت، جائەی هامان تۆ خشتی سوورەوە كراو لەگڵم بۆ دروست بكەو، قەڵایەكی بەرزو پتەوم بۆ بنیات بنێ تاكو لەوێوە پیایدا سەركەوم‌و خوداكەی موسا ببینم سەرەڕای ئەوەی لەو بڕوایەدام كە ئەو لەریزی درۆزنەكان بێت)).
لەم ئایەتەی سوورەتی (قصص)ەوە ئەوە تێدەگەین كەئەم قەڵایە لەقوڕی سووتێنراو واتە لەخشتی سوورەوە كراوی لەقاڵب گیراو بنیات نرابێت وفیرعەون ئەو وەهم وخەیاڵەی لەدڵی خەڵكیدا چاندووە گوایە دەیەوێت لێیەوە سەركەوێت تاكو بیكات بەهۆكارو ئامرازی دیتنی ئاسمانەكان‌و، ئەم هۆكارانەش واتە رێگە‌و دەروازەو رێچكەی ئاسمانەكان بە مەبەستی ئەوەیە گوایە بەدوای خوداكەی (موسا)دا دەگەڕێت..