ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
مانای زمانەوانی گێژەڵوكە (إعصار)..له‌قورئاندا
نووسينى /سه‌روه‌ر حسن //نووسينگه‌ى ته‌فسير///لە (مصباح المنیر)دا هاتووە (إعصار) ئەو بایەیە كە خۆڵ بەرزدەكاتەوە لەنێوان ئاسمان و زەویدا و خول و گێژی دەدات، وەك ستوونێك بەرزدەبێتەوە.
لە (مختار الصحاح)دا هاتووە: (إعصار) بایەكە كاردەكاتە سەر تۆز و بەرەو ئاسمان بەرزیدەكاتەوە، بەشێوەی ستوونێك، وەك پەروەردگار دەفەرموێت: هەروەها وتراوە گەردەلول كاریگەری لەسەر ئەو هەورانە هەیە كە هەورەگرمە و بروسكەیان هەیە.
لە زانستی جوگرافیای نوێدا (إعصار) ناوچەیەكی پەستانە كە (با) ڕووە و سەنتەرەكەی كێشدەكات بە ئاڕاستەی پێچەوانەی میلی كاتژمێر لەنێوەگۆی باكوردا و بەپێچەوانەشەوە لەنیوەگۆی باشوردا.
زانایان گەردەلولیان پۆلێن كردووە بۆ گەردەلولی قەمعی و گەردەلولی خولگەیی... لەو گێژەڵوكە و گەردەلولانەی لە بەڕێوەبەرێتی نەتەوەیی بۆ زەریاكان و بەرگەهەوا (NOAA) تۆماركراوە، گەردەلولی ئەندرۆ (Andrew) یە كە لەساڵی (1992ز) دا پانزە كەسی كوشت و ماڵ و سامانێكی زۆری ( بە بەهای 25 بلیۆن دۆلار) لە باشوری فلۆریدا لە ویلایەتە یەكگرتووەكانی ئەمریكا تێكشكاند و وێرانكرد. هەروەها گەردەلولی ئۆپاڵ (Opal) لەسەر كەنداوی مەكسیك لە ساڵی (1995ز) بووەهۆی وێرانكارییەكی گەورە و زیاتر لە (28) كەسی كوشت. گەردەلولی بۆننی (Bonnie) بەسەر كەنداوی مەكسیكدا لەساڵی (1998ز) تێپەڕی، هەروەها گەردەلولی برێت (Bret) لەسەر ناوچەیەكی كشتوكاڵی لە تەكساس هەڵیكرد و ئەو كێڵگانەی وێرانكرد.
لێكۆڵەران هێزی گەردەلولەكان لە دابەشكردنێكی پلەییانەدا دادەنێن، بەوپێیەی گەردەلولی (ئۆپاڵ) هێزەكەی گەیشتە پۆلی چوار، هێزی گەردەلولی هوگۆ (Hugo)ش پۆلی پێنج بوو كە توندترە.
ئەمانەو چەندین نموونەی گەردەلولی تر بە هێز و توندیی جیاجیا و لەجێگاكانی تری جیهاندا... جێگای سەرنجە هەركاتێك گەردەلول ڕێكەوتی ناوچە دارستانەكانی كردبێت، واتە ئەو ژینگەیەی كە ئامادەباشی ئاگركەوتنەوەی هەیە، ئاگریان تێدا كەوتووەتەوە. چەندین حاڵەتی ئاگركەوتنەوە تۆماركراوە كە لەڕاستیدا بەهۆی مرۆڤەوە نەبووە، بەڵكو ئاگركەوتنەوەكە سروشت دروستیكردووە، واتە خۆی خۆی داگیرساندووە، ئەمەش بەهۆی كاریگەرییەكی دەرەكیەوە، بەڕادەیەك كە بپرسین: ئایا دەگونجێت سەرچاوەی ئاگرە كڵپەسەندووەكە دابەزینی گەردەلول بووبێت بۆی؟
دەكرێت لەنێوان گەردەلول و ئاگركەوتنەوە لەو شوێنانەی ڕووەك دایپۆشیون و دارستانەكان پەیوەندییەك هەبێت، بەڵام ئەو پرسیارەی ڕووبەڕووی زانایانی تایبەتمەندی سروشت دەكرێتەوە: ئایا دەگونجێت گەردەلول مانای وشەی ئاگری تێدابێت؟ یان بەلایەنی كەمەوە میكانیزمێكی ڕووناككەرەوەی تێدا بێت بۆ ئاگركەوتنەوە؟
گەر یەكێك لەو دوو گریمانەیە دروست بێت، ئایەتە پیرۆزەكەئایەتێكە جێگای لێكۆڵینەوەی ئیعجازی زانستییە.