ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئه‌بو عوبه‌یده‌ی کوڕی جه‌ڕڕاح ) ئه‌مینی ئه‌م ئوممه‌ته .. ( به‌شى دووه‌م )
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ ده‌ستپاكی (ئه‌بوعوبه‌یده) له‌سه‌ر به‌رپرسیارێتیه‌كانی، دیارترین خاسیه‌ته‌كانی بوو.. ئه‌وه‌بوو له غه‌زای (ئوحود)دا هه‌ستی به
سووربوونی بێ‌باوه‌ڕان كرد له‌سه‌ر ره‌وتی جه‌نگه‌كه، نه له‌به‌ر به‌ده‌ستهێنانی سه‌ركه‌وتن تێیدا، به‌ڵكو به‌ر له‌وه و به دژ له‌وه، بێ‌باوه‌ڕان له‌سه‌ر كوشتنی پێغه‌مبه‌ری مه‌زن (درودى خواى له‌سه‌ر بێت) سوور بوون، هه‌ر بۆیه له‌گه‌ڵ خۆیدا پێكهات كه له جه‌نگه‌كه‌دا له شوێنی خۆیدا كه نزیك بوو له پێغه‌مبه‌ری خوا بمێنێته‌وه.به‌رده‌وام به شمشێره‌كه‌ی كه وه‌ك خۆی ئه‌مین بوو كه‌وته لێدانی سوپای بتپه‌رستی كه وه‌ك گومڕا و ده‌ستدرێژكار هاتووه و ده‌یه‌وێت رووناكی خوا خامۆش بكات..هه‌ركاتێكیش ره‌وشی جه‌نگه‌كه و پێویستی شه‌ڕكردن وای بخواستایه له پێغه‌مبه‌ری خوا (درودى خواى له‌سه‌ر بێت) دووربكه‌وێته‌وه سه‌رنجی له‌لای لێدانی شمشێره‌كه‌ی نه‌بوو.. به‌ڵكو هه‌میشه سه‌یری ئه‌و جێگایه‌ی ده‌كرد كه پێغه‌مبه‌ری (درودى خواى له‌سه‌ر بێت) تێدا وه‌ستاوه‌و ده‌جه‌نگا و، به‌وپه‌ڕی په‌رۆشی و دڵه‌ڕاوكێیه‌وه چاودێری ده‌كرد.(ئه‌بوعوبه‌یده) هه‌ركه مه‌ترسیه‌كی به‌دی بكردایه له پێغه‌مبه‌ر (درودى خواى له‌سه‌ر بێت) نزیك ده‌بێته‌وه، له‌جێگای دووری خۆی هه‌ڵده‌كه‌ندرا و خێرا به‌سه‌ر زه‌ویه‌كه‌دا ده‌هات تا دوژمنانی خودا تێك بشكێنێ و، روویان وه‌رگێڕێت به‌ر له‌وه‌ی كه زیان به پێغه‌مبه‌ری خوا (درودى خواى له‌سه‌ر بێت) بگه‌یه‌نن..!!