ماڵپەری قورئانی پیرۆز

نوسینگه‌ى ته‌فسیر......ئیمام بوخاری فێری به‌کارهێنانی رم و تیر بو، زۆریشی مه‌شق له‌سه‌ر ده‌کردن، مه‌شقه‌وانه‌که‌ی ده‌ڵێت: بوخاری زۆر به‌ دیققه‌ت مه‌شقی ده‌کرد، له‌ هه‌مو ماوه‌ی تیرئه‌ندازییه‌که‌یدا، ته‌نها دو جار نیشانی نه‌پێکاوه‌! هه‌مو مه‌به‌ستیشی له‌م تیر ئه‌ندازی و مه‌شقه‌، به‌رگری له‌ ئیسلام و، جیهاد بو دژی کافران و دوژمنانی خوا.
سه‌یری ئه‌و حاڵی بونه‌ له‌ هه‌مو لایه‌نه‌کانی ئیسلام.. ئه‌م که‌ڵه‌پیاوه‌ی زانست و شه‌رع، که‌ هه‌ر ده‌توت له‌ منداڵیه‌وه‌، ته‌نها بۆ فه‌رموده‌وانی خه‌ڵق کراوه‌، که‌چی مه‌شقی چه‌کداریشی فه‌رامۆش نه‌کردوه‌  چونکه‌ ده‌یزانی ئاماده‌باشیی بۆ جیهاد، فه‌رزه‌، ده‌یزانی مادام له‌ سێ حاڵه‌تدا جیهاد ده‌بێته‌ فه‌رزی عه‌ین(واتة هةمو كةسيَكي موسولَماني بالَغ و ئاقلَ، دةبيَت بةشداريي تيَدا بكات) که‌وابو، حه‌تمه‌ن ده‌بێت هه‌مو موسوڵمانێک خۆ ئاماده‌ کردن و مه‌شق کردن، له‌سه‌ر به‌کارهێنانی چه‌ک و مه‌شقی سه‌ربازی فێر ببێت.. هه‌ر له‌به‌ر ئه‌م تێگه‌یشتنه‌یه‌تی، که‌ ده‌بینین ئیمام بوخاری، ئه‌م دوعایه‌ی خستۆته‌ کتاب الجهادی سه‌حیحه‌که‌ی خۆیه‌وه‌ !!(اللهُمَّ إنِّي أعُوذُ بِكَ مِنْ الْعَجْزِ والْكَسَلِ وأعُوذُ بِكَ مِنْ غَلَبَةِ الدَّينِ و قَهْڕ الرِّجَالِ ). واته‌: خوایه‌،  من په‌نا به‌ جه‌نابتان ده‌گرم له‌ بێ توانایی و له‌ ته‌مبه‌ڵی، له‌ که‌ڵه‌که‌ بونی قه‌رز له‌سه‌رم و، له‌ ژێر ده‌سته‌یی پیاوانی ده‌سه‌لآتدار.. چونکه‌ ده‌یزانی هه‌ر یه‌ک له‌م چوار کێشه‌ ناوبراوه‌، ده‌بنه‌ به‌ربه‌ستی ڕێی جیهاد کردن..