ماڵپەری قورئانی پیرۆز

ئینجا خودا ئەم پیاوە باوەڕدارەی نێو هۆزەكەی فیرعەونی لەپیلانی خراپ‌و دڕندەیان پاراست‌و خێڵ‌و دارودەستەی فیرعە‌ونیشی توشی سزایەكی زۆر سەخت كرد كەئاگری دۆزەخە‌و بەیانیان‌و ئێواران پیشانیان دەدرێت -واتە بەردەوام هەمو كاتێك سزایان بە‌و ئاگرە دەدرێت-‌و هەر لەڕۆژی مردنیانەوە تاكاتی قیامەت پیایاندا دەچزێت، لەڕۆژی قیامەتیشدا فەرمان دەدرێت بەوەی كە )ئادەی تاقم‌و خێڵی فیرعەون بخەنە نێوتوندترین‌و سەختترین ئەشكەنجەو ئازاری دۆزەخەوە)".

ئێستاش دێینە سەر بەشیكۆتاییی چیرۆكی پیاوە باوەڕدارەكەی هۆزی فیرعەون.

بێگومان پیاوە باوەڕدارەكە دەركەوتووەو بەرگریی لە پێغەمبەری خودا (موسا) ـ سڵاوی خودای لێ بێت ـ كردووەو، بەرپەرچی بانگاشەی فیرعەونی داوەتەوەو، داوای لە جەماوەر كردووە پەیڕەویی رێبازەكەی خۆی بكەن، هەروەها بانگەوازەكەی خۆی بۆ روون كردوونەتەوەو هانیداون بۆ ژیانی ئاخیرەت‌و، بۆ هەڵبژاردنی بەندایەتی‌و گوێڕایەڵیی فەرمانی خوداو رازیكردنی خوداو، رێگەی سەرفرازی‌و سەركەوتنیشی بۆ دەسنیشان كردوون‌و، لەرێگەی خەسارەتمەندی‌و تیاچوونیش وریای كردوونەتەوە. ئیدی چیی پێ ماوە؟ ئایا شتێك ماوە پێیان بڵێت؟!

ئایا لەمە زیاتری لەسەر بووە؟ بێگومان ئەو بەڵگەی رۆشنی خستنە بەرچاوو رێنمایی كردن بۆ ڕێ‌ی ساغی وسەلامەتی ی نێو هەردوو خانەی دنیاو ئاخیرەت‌و، رێگەی راستی بۆ دیاری كردن، بێگومان هەرچیی لەدڵدابوو پێی گوتن‌و، هەر ئەركێك لەسەرشانی بوو، بەچاكی ڕایپەڕاند. ئیدی هیچ شتێك وهیچ كارێكی نەماو تەنها ئەوەندەی لەسەرماوە كەشانۆی رووداوەكان بەجێ‌ بهێڵێت.

بێگومان شانۆكەی بەجێ‌ هێشت‌و ماڵئاواییی لە هۆزەكەی بەم رستەیە كرد:واتە: (لەمەولا لە داهاتوودا ئەم وتانەی من بەیادی خۆتان دێننەوەو رۆژێك دێتە پێشەوە كەڕاستی حەقیقەتی ئەم بانگەوازەی من بەدیی بكەن، ئەوا منیش كاروباری خۆم بەخودا دەسپێرم، بێگومان خوداش بەندەكانی خۆی دەبێنێت و لە كاروباریان ئاگادارە).