ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئەو ئاژەڵەی دڕندەی كێوی پەلاماری دابێت و لێی خواردبێت..له‌قورئاندا
نووسينى /سه‌روه‌ر حسن //نووسينگه‌ى ته‌فسير///ئاشكرایە چڕنوكی دڕندە (هەروەها كەڵبە و لیكی زۆربەی دڕندەكان) پڕیەتی لە میكرۆب، بۆیە كاتێك دەیكات بە لەشی ئاژەڵێكی تردا، ئەو میكرۆبانە دەگوێزرێنەوە
بۆ خوێنەكەی و پاشان ئاژەڵەكە بەهێواشی مرداردەبێتەوە، بەمجۆرەش لاشەی ئاژەڵە مردارەوەبووەكە دەبێتە كانگایەكی میكرۆب و زیندەوەرە زۆر وردە زیانبەخشەكان. ئەمە جگە لەو حاڵەتەی وەك لە ئایەتەكەدا هاتووە واتە: مەگەر فریای چەقۆ كەوتبن.
ئەگەر ئاژەڵێك توشی یەكێك لەو حاڵەتانەی پێشوو بوو، بەڵام هێشتا مردارنەبووبووەوە و پێش مرداربوونەوەكەی سەربڕدرا ئەوا لاشەكەی لەو ماددەیە ڕزگاری دەبێت كە دەبێتەهۆی گوێزرانەوەی میكرۆب بۆی، ئەویش خوێنە... چونكە خوێن ئەو شلە زیندەگییە گرنگەیە لە لەشی هەر زیندەوەرێكدا كە لەتوانایدایە بەرگری ملیۆنان میكرۆب و مشەخۆر (گفیلیات) بكات، بەوەی كە خڕۆكەی سپی و دژە تەنەكانی تێدایە، مادام ئەو زیندەوەرە زیندوو بێت و لە پلەی گەرمی سروشتیدا بێت، بەڵام كاتێك ئاژەڵەكە مرداربووەوە و خوێنیش لە سوڕانەوە وەستا، ئەودەمە میكرۆبەكان بەبێ بەرگری دەمێننەوە، بۆیە باشترین ڕێگا لەم كاتەدا دەركردنی خوێنەكەیە لە لەش لە زووترین كاتی گونجاودا.
شایانی باسە كاتێك كە ئاژەڵ سەردەبڕدرێت و خوێنەكەی بە تەواوی لە لاشەی دەردەچێت، ماسولكەكانی ئاژەڵەكە كرژ دەبن و ڕادەی ترشێتی نێو گۆشتەكە زیاددەكات و PH كەم دەبێتەوە، ئەمەش وادەكات ئەگەر پێشتریش میكرۆب (بەكتریا) لە گۆشتەكەدا هەبووبێت (بۆنموونە ئەگەر ئاژەڵەكە نەخۆش بووبێت) ئەو بەكتریایانە لەناو بچن.