ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
لەنێوان (أبوبكری صدیق)و پیاوە باوەڕدارەكەی هۆزی فیـرعەوندا..چيرۆكه قورئانيه‌كان
د.صلاح عبدالفتاح الخالدى//نووسينگه‌ى ته‌فسير///وادیارە (ئیمامی بوخاری) ـ خودا لێی خۆشبێت ـ ویستوێتی بەراورد بكات لەنێوان پیاوە باوەڕدارەكەی هۆزی فیرعەون (كە پشتگیریی موسای كردووە)و
لەنێوان (ابوبكری صدیق)دا كە پشتگیریی پێغەمبەری خودا ی لە (مەككە) دا كردووەو، هەروەها ویستوێتیی وای دەرخات كە (ئەبوبەكری صدیق) لەو پیاوە باوەڕدارە باشتربووە، بۆ نموونە لە (كتاب التفسیر)ی (جامع الصحیح)ەكەیدا فەرموودەیەكی لە (عروە ی كوڕی زبیر)ەوە هێناوە، كە (عروە) گوتوویە: بە(عبدالله كوڕی عەمری كوڕی العاص)م گوت: (پێم بڵێ لە بەسەرهاتی پێغەمبەر‌و بێ‌باوەڕەكاندا، بێ‌باوەڕان‌و موشریكان توندترین ڕەفتاریان بەرامبەر پێغەمبەری خوا چی بوو)؟ ئەویش لەوەڵام داگوتی: كاتێك پێغەمەری خودا لەحەوشەی (كەعبە)دا نوێژی دەكرد، (عقبەی كوڕی أبو معیگ) هەڵی كوتایە سەر شانی‌و كراسەكەی لەملی ئاڵاندو هێندەی لەگەردنی توند كرد، تا بیخنكێنێت، ئەوەبوو خێرا (ابوبكر) یەخەی كابرای گرت و لە پێغەمەری خودای دوورخستەوەو گوتی{وَقَالَ مُوسَى إِنِّي عُذْتُ بِرَبِّي وَرَبِّكُمْ مِنْ كُلِّ مُتَكَبِّرٍ لَا يُؤْمِنُ بِيَوْمِ الْحِسَابِ (27) وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَنْ يَقُولَ رَبِّيَ اللَّهُ وَقَدْ جَاءَكُمْ بِالْبَيِّنَاتِ مِنْ رَبِّكُمْ وَإِنْ يَكُ كَاذِبًا فَعَلَيْهِ كَذِبُهُ وَإِنْ يَكُ صَادِقًا يُصِبْكُمْ بَعْضُ الَّذِي يَعِدُكُمْ إِنَّ اللَّهَ لَا يَهْدِي مَنْ هُوَ مُسْڕفٌ كَذَّابٌ (28)} [غافر] ...ئەم وتەیەی (ابوبكر) كە دەقی ئایەتەكەی سوورەتی (غافر)ی ئاراستەكردوون كاتێك پیاوە باوەڕدارەكەی هۆزی فیرعەونیش، هەمان پرسیاری ئاراستەی هۆزەكەی كرد، واتە: (ئایا پیاوێكی وەك (محمد) تەنها لەسەر ئەوە دەكوژن، كە دەڵێت پەروەردگاری من (الله)یەو لە هەمان كاتدا بەڵگەو نیشانە رۆشنەكانی بۆ هێناون)؟