ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ناوی قاروون –لە قورئان دا..چيرۆكه‌قورئانيه‌كان
نووسينى /د.صلاح عبدالفتاح الخالدى //نووسينگه‌ى ته‌فسير///لە قورئانی پیرۆزدا چوار جار ناوی (قارون) هاتووە، دووجاریان لە سوورەتی (قصص)داو لەم ئایەتانەی پێشوودا. جاری سێیەمیش لەسورەتی (العنكبوت)
دایە، كە بەكورتی باسی ئاكاری بەدرۆخستنەوەی هەرسێ ستەمكارەكە (فیرعەون‌و هامان‌و قارون) كراوە، كە چۆن خودا لەناوی بردوون، وەك خوداش فەرموویە:
واتە: (قارون وفیرعەون‌و هامان)یشمان لەناوبرد، چونكە كاتێك موسامان نارد بۆ لایان بەو هەموو بەڵگەو رێنمایییە رۆشنانەوە كەچی ئەوان خۆیان بەحاكمی رەهاو لوتبەرزی سەرزەوی دەزانی‌و لەئاست هەقدا خۆیان بەگەورە دانا‌و ئێمە سزامان دان‌و نەیانتوانی لەدەست سزای سەختی خودا دەربازبن، ئێمە هەریەكە لەو ستەمكارو گەل‌و هۆزە یاخییانەی پێشوومان بەجۆرێك سزداوە، بۆ نموونە هەندێكیانمان بەرد باران كردووە، هەندێكیشیانمان بەهاوارو قیژەیەكی بەهێز لەنێو بردووە، هەندێكیشیانمان بەناخی زەویدا بردۆتە خوارەوەو، هەندێكی تریشیانمان لە دەریادا سەرنگوم كردووە. بەڵام خودا ستەمی لـێ‌نەكردوون، بەڵكو خۆیان ستەمیان لەخۆیان كردووە، كە خۆیان بەو سەرەنجامە دژوارانە گەیاندووە.
لە جاری چوارەمیشدا ناوی (قارون) لە سوورەتی (غافر)دا هاتووە، كە لەگەڵا هەردوو ستەمكارەكەی تر (فیرعەون‌و هامان)دا باسكراوە كاتێك خودا (موسا)ی ناردوە بۆلایان‌و ئەوانیش پێغەمبەری خودا (موسا)یان بەدرۆخستۆتەوەو گوتوویانە ئەمە سیحربازێكی درۆزنە