ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
زانیاری و بیرتیژییه‌که‌ی .... ژیانى زانایانى ئیسلام - ئیمامى بوخاری...(6)
نوسینگه‌ى ته‌فسیر......ئیمام بوخاری یه‌کێک بو له نیشانه‌کانی کارزانی و کارجوانی و گه‌وره‌یی خوا، ده‌ڵێن: ئه‌و کاته‌ی که هێشتا منداڵ بو، حه‌فتا هه‌زار حه‌دیسی له‌به‌ر بوه !!! ده‌ڵێن، که یه‌ک جار سه‌یری لاپه‌ڕه کتێبی ده‌کرد، له‌به‌ری ده‌کرد! سه‌یر نییه بۆ که‌سێک، که بڵێ: سه‌د هه‌زار حه‌دیسی سه‌حیح و، دوسه‌د هه‌زار حه‌دیسی غه‌یره سه‌حیحم له‌به‌ره... ئه‌م کتێبه‌شم(مةبةستي لة سةحيحةكةي خؤيةتي) له کۆی شه‌ش سه‌د هه‌زار حه‌دیس کۆکردۆته‌وه.. چونکه ئیمام بوخاری و مامۆستاکه‌ی، که ئیمام ئه‌حمه‌د بن حه‌نبه‌له و قوتابیه‌که‌ی، که ئیمام موسلیمه، له‌گه‌ڵ ئیمام ئه‌بو زه‌رعه، ته‌نها چوار که‌سانێکن له مێژوی ئوممه‌تی ئیسلامدا، که یه‌کی شه‌ش سه‌د هه‌زار حه‌دیسیان زیاتر له‌به‌ر بوه !!
ئیمام بوخاری ده‌ڵێ: جارێک چوم بۆ به‌ڵخ(لة ئةفغانستاني ئةمڕؤية )، داوایان کرد له ده‌رسی هه‌ر زانایه‌ک، که حه‌دیسم لێوه وه‌رگرتوه، حه‌دیسێکیان بۆ بهێنمه‌وه، هه‌ر له‌و مه‌جلیسه‌دا، هه‌زار حه‌دیسم له هه‌زار مامۆستای خۆم گێڕایه‌وه...
ده‌ڵێ: جارێک له کۆڕی ده‌رسدا بوین، باسی یاوه‌رو هاوڕێکانی ئه‌نه‌سی کوڕی مالیک کرا، هه‌ر ئه‌و ساته سێ سه‌د هاوڕێی که‌وته‌وه یادم. جا سه‌یری موعجیزه‌ی خه‌ڵقی خوایی.. ئه‌مه گه‌وره‌یی و کارزانی خوای گه‌وره‌یه‌و، سه‌ره‌تای پێگه‌یاندنی ئه‌م چیایه‌ی ئوممه‌تی ئیسلامه !! بڕوانه ئه‌و بیرتیژیی و زاناییه، ئینجا بگه‌ڕێره‌وه سه‌ر ته‌قواو دینی و سه‌ر بێ هه‌واو فیزیی، دوای ئه‌ویش سه‌یری زوهدی دونیاییه‌که‌ی که‌ره‌وه !! ئه‌مانه پێشه‌وای ئێمه‌ن و، خه‌ڵکانێکیش ده‌یانه‌وێت ڕێمان پێ بزر که‌ن و، بمانخه‌نه دوای عه‌له‌مانیه‌کی بیر کول !!