ماڵپەری قورئانی پیرۆز

نووسينى /سه‌روه‌ر حسن //نووسينگه‌ى ته‌فسير ///خوای پەروەردگار دەفەرموێت:{فَلَا أُقْسِمُ بِالْخُنَّسِ (15) الْجَوَاڕ الْكُنَّسِ (16)} [التكوير] واتە: سوێند بەو ئەستێرانەی پەنهان دەبن و لەچاو وندەبن، یاخود بەهۆی سوڕانەوەی زەوی و خۆیانەوە وندەبن، بەو هەسارانەی

كە پەنادەگرن و دیارنامێنن.  خوای مەزن سوێند بە هەسارە خۆشارەوە لەچاوەكان دەخوات، یاخود ئەوەی لە زانستی گەردوونناسیدا پێیدەوترێت كلكدارەكان (المذنبات)، هەرئەوەیە قورئانی پیرۆز بە ئاماژەی پێدەدات، كە بەڕاستی نزیكترین وەسفە بۆ كلكدارەكان. ڕووی ئیعجازی زانستی لە دوو ئایەتەكەی پێشوودا بەمجۆرەیە: كلكدارەكان لە ئەندامانی كۆمەڵەی خۆرن، ڕێڕەوەكانیان بەدەوری خۆردا درێژكۆلەیە، هەندێكیان بە بۆشاییدا دەكشێن بۆ دوورییەكی زۆر كە دەیان ساڵ دەخایەنێت تاكو سوڕێك تەواو بكەن، بەوەش ڕێڕەوەكەیان دوور دەبێت لە خۆر بەڕادەیەك كە بەتەواوی لە بینینەكان دووردەبن، هەروەك ئەوەی دەیان ساڵ ون ببن و لەپاشان بگەڕێنەوە نزیك خۆر. " كلكداری (هالی) بەناوبانگترینی كلكدارەكانە و هەموو (76-79ساڵ) جارێك دەگەڕێتەوە و پاشان دووبارە ئەو ماوەیە وندەبێت و لە فەزای گەردوونیدا دیارنامێنێت". نهێنی ئیعجازی قورئانی پیرۆز لەوەدایە كە كلكدارەكانی بە "خُنّس"  و "الجَواڕ الكُنّس" ناوبردووە كە دواتر زانایانی گەردوونناس دروستی و وردی وەسفەكە و لێكچواندنەكەیان بۆ دەركەوت.